法國大女人！

Luca媽的奶奶，是典型法國老女人
外表溫婉，聲音嬌柔，對生活食物一切十分有要求，年青時亦是美人一名
當然，同時是一名大女人，持家有道，開聲高八度，非一般善男信女
奶奶的妹妹，更是一等一大大女人，有佢講冇你講，妒忌心極重
奶奶的媽媽，典型Mamie look的婆婆，老了，收了火，年青時比她的女兒更大女人！
鐵三角組合，加埋Luca姑媽這四人組，Luca媽一向都是唯唯諾諾

奶奶對Luca媽平時都沒有什麼
結婚前，一年回家一次，每次都當然有說話聽
未來奶奶說：阿仔，你發福左喎，那邊（香港）好食好住啦，法國比不上啦！
奶奶的妹妹說：你呀！（指Luca媽，同Luca媽講）要好好照顧我寶貝呀（指Luca爸）
il est ton homme, mais a moi aussi!佢係你男人，都係我的呀！
奶奶阿媽在旁邊點頭oui oui oui

結婚後，有了Luca，視線當然有所轉移
Luca在嫲嫲那邊出生，Luca媽出院後一個月都待在奶奶家
奶奶第一次做嫲嫲，又開心又興奮
每日都有客人上門送禮問好睇ＢＢ
奶奶除了一日抱住Luca不放，同時都不太煮飯
可憐Luca媽十二月坐月晚晚飲稀如水菜湯食面包
奶奶心情好Ｄ就炒隻旦食舊芝士

奶奶亦曾經投訴做咩Luca三兩個鐘就喊要食奶
係咪Luca媽Ｄ奶唔夠，奶奶話"食奶粉好Ｄ喎，咁我可以幫你呀"
當然，Luca媽死都唔肯，而且Luca又大大隻

每次聽到Luca喊，無論係日頭定係半夜
奶奶都會衝過來抱佢
又會爭住同Luca換尿布
仲走去搵返三十幾年前Luca爸的ＢＢ衫俾Luca着
懷緬一番

一個月過去了，Luca媽離開奶奶家
臨走前女士們買了大量ＢＢ衣物，Mustela
奶奶阿妹話：咁樣Luca就唔會冇衫着啦！
奶奶阿媽話：你要好好睇住Luca呀！

半年過去，暑假我們又去探奶奶一家
這時候Luca六個月大，到埗前他們已買定各式各樣Petit Pot，ＢＢ零食
各女士們不理什麼，食得不食得的，都所有給Luca試食
Luca爸向各女士們投訴，怎料女士們說，他小時候都是一樣咁食

好.......
Luca媽一直都是以和為貴，反正一年見面時間不多
就讓他們作主吧！

年頭時，Luca姑媽誕下女兒Nina，嫲嫲第一次當婆婆
奶奶的女兒沒有回娘家生仔，生完仔都是奶奶去探佢
她們兩個常常火星撞地球，一見面就梗有鬧交
奶奶買了不合心水的ＢＢ衫，給Luca姑媽大罵
Luca爸好無心地問，有冇搵返姑媽着過的ＢＢ衫俾Nina着
無人出聲！

每星期都會在skype上見見面，從來沒有見過奶奶抱Nina
Nina六個幾月，出牙仔搵野咬
我叫姑媽去買ＢＢ餅俾Nina食
姑媽話要十個月至食得
我話，係咩？上次Luca六個月返嚟時都食左唔小喎！

又有一次Luca爸發神經問奶奶有冇幫Nina換尿布，餵奶
奶奶好冷淡又好似好無耐咁話，無喎！呢Ｄ佢阿媽自己搞啦！

係咪我唔出聲會好蝦Ｄ？
算啦，都係一年見幾次，難得她們出手，我當放下假囉！