Wednesday, December 31, 2014

在巴黎的烹飪班 - Cooking Class @ L'Atelier des Chefs

希望各位朋友仔都過了一個非常開心的聖誕節!
今日係十二月三十一日啦。。。。。
大小豆一家
祝大家新年快樂!身體健康!
~~~~~~
我們的聖誕節
在爺爺嫲嫲家渡過
最後不歡而散
(第日再告訴大家)
我們都很開心回到巴黎
休息了兩日
昨日Luca媽蛇王了半日
跟朋友出巴黎上烹飪班
在網上預約時段
煮完食完才付款

選了早上十點半至十一點半
一小時內做一個主菜和一個甜品
大家都估到可以學到的真的不多
三十七歐
主菜是薑餅鴨胸跟香蔥茄乾薯蓉,配蜂蜜甜醋汁
甜品是朱古力忌廉,sable和咖啡忌廉
首先各自在自己位切薯仔,切蔥
然後同學們圍在爐邊
到老師教煮







十一點半
主菜完成
老師教擺位然後各自拿碟自己整



朋友跟我都是第一次試
感覺驚喜不大
當是在餐廳午餐
有同學是雞手鴨腳的
這類班都是給少入廚的朋友
平日有午餐cooking class
17歐一位


甜品真麻麻
cream 上加cream
昨日滯了成日呢!
因為朋友要趕回去湊小朋友
所以我就乘機去唐人街入貨
可惜電話無晒電
無得影下相


買了湯圓,柚子蜜,餃子,魚蛋,春卷,一丁,香茅,薑。。。。

L'Atelier Des Chefs
http://www.atelierdeschefs.fr

Tuesday, December 16, 2014

終於輪到我。。。。。

上星期收到法國入境部的信
終於輪到Luca媽去驗身,面試和activate我的首年簽證
因為不知道面試會怎樣
而且好唔想去上法文班
所以整個星期都有點緊張
。。。。
昨日,聽到新聞話巴黎的士司機擺工塞住條路
所以早點出門口以防遲到
由屋企出發到指定的那個入境部只要三十分鐘
沒有塞車
比預期早了半小時到達
雖然都要等半小時
但職員都好公平,早到早處理
。。。。
一點開始
聽了二十分鐘開場白
再睇半小時影片
。。。。歡迎來到法國。。。。
想成功拿到簽證
要上咩法國生活班,法文班,職場介紹
和公民班
集齊所有證書
將來就可以更新簽證,或申請入藉
。。。。
去體檢,好循例的工作,而且很馬虎
度高,磅重,驗小便,驗眼,照肺
再去見醫生,量血壓,睇牙
有幾位當席醫生
點知撞正那個個樣好麻煩的
這位仁醫硬要屈我有六百度近視
查實係所謂驗眼那位大嬸好是但叫我讀第一行就算
anyway
我只要張medical cert,佢想點就點
。。。。
攞住張cert上去面試
出來叫我那位小姐個樣唔太友善
無法
Luca媽總是黑仔命,死就死
blablabla講完一大輪野
結果出奇地順利
攞了三張證書
只等最後一張一月尾去上公民班


個樣唔太友善的呢位小姐
傾落其實幾友善
Luca媽N年前大學期間來過法國的商業學校當一年交流生
她覺得我不用來這個面試
所以就把證書都印出來給我
可能打政府工的人,個表情都比較麻木吧
她還發現,那張體檢證書
把我的出生年份加多9年
還幫我落去跟體檢部理論
一點鐘開始,三點半走人
比預期早呢


Friday, December 12, 2014

Paupiettes de veau au vin blanc

搬來法國,最開心應該是能夠盡享口福
我們家的焗爐還未焗過麵包
暫時食法包還食得好開心
而且市中心有三間靚靚麵包店
一歐一條傳統法包真係好抵食

而且呢,去超市再不用估估下
想整些特別的
去肉店買用順便問問店員
真係比以往方便多!
這天去買肉碎時
順便買了兔脾
還有這個Paupiettes
Luca爸很喜愛的,但我好似未食過
其實是一塊小牛肉和煙肉,入面釀了肉餡
功夫和心機較多


肉店哥哥話用cocotte煎煎
再煮45分鐘就好


我們家除了Luca爸吃薯仔外
我們三個都不是薯怪
另外煮了些意粉伴吃


味道好,但功夫多呢。。。。
呢個肉店現成的不便宜
要好好硏究


近日還愛上了用白酒來煮餸
上個月買的這支白酒剛用完啦
幾歐一支,還是有機的,跟買豉油差不多價錢


廚房的另一個好消息
是LC黑仔鑊
終於可以炒飯煎蛋都唔沾底啦!
真係比一般平底鑊好鑊氣呢!
加上我們用induction
用鑄鐵煮食傳熱效果更加好
Yeah Yeah
非常期待減價買staub的炒鑊啊!






Wednesday, December 10, 2014

又到聖誕

第一次在歐洲準備過聖誕
感覺氣氛特別濃厚
過去六年的聖誕
兩年在澳洲過的熱聖誕
感覺奇怪
三年在俄羅斯
俄羅斯的聖誕是東正教聖誕
正日是一月首星期
又是沒有感覺
去年在阿塞拜疆
他們是回教國
更加沒有聖誕
所以今次在法國準備聖誕
小朋友特別開心呢!

聖誕樹我們只買了塑膠的小聖誕樹
環保之餘又方便收藏
記得N年前在香港打工時
法國老闆每年聖誕都會買一棵真的聖誕樹
每日上班,看著聖誕樹每日變黃枯萎
感覺難受呢。。。。


今年還給大豆買了Lego City 的Advent Calendar
每朝起床第一件事
除了上廁所
就是去開那一天的小門
看看有什麼驚喜


這是十二月一日,第一個小驚喜
是一個小男孩來呢
拿着兩封信。。。。
第二日就是郵箱
小男孩給某人寄信


這個小男孩的腿
比正常的Lego小人的腿短,好搞笑呢!
還有滑冰的小朋友
很有心思的Lego玩具


可惜沒有小豆份
原本想買份朱古力的倒數月曆
但家中已經有很多零食
不願再去花錢。。。。
大家開始準備聖誕嗎?



Thursday, December 4, 2014

公司小朋友聖誕聯歡-Cite des Sciences et de I'industrie

上周日參加了Luca爸公司為員工們的小朋友搞的聖誕聯歡
就是參觀巴黎市19區科學館的兒童館和之後的聚餐
從家出發,轉了兩次地鐵,五十分鐘就到
Metro 7號線,Porte de la Villette 站


記得學生時代嚟過科學館
的門口


科學館的兒童館 - Cite des enfants
分兩部份,我跟小豆去兩歲至七歲的小小朋友部
Luca爸跟大豆就去七歲至十二歲的大小朋友部
一張票可以玩一節(一小時)


俾得兩歲小朋友玩的
都是基本感觀探索和認知的玩意
周圍摸下不同texture的物件
度高?




轉轉圈

小豆比較喜歡physical的活動
跑上跑落,迷宮
多過太抽象的活動
例如這個關於平衡的遊戲就太深了

這個地盤遊戲是小豆最喜歡之一
不過好多小朋友玩
小豆又太細個呢


玩得最耐就是玩水
小朋友自己開水喉
裝滿水桶
再倒入去另一個地方

玩完藍色桶,再玩黃色桶,再玩綠色桶
現場有雨衣,但衫袖都係濕晒


一個小時如果同時小朋友不太多的話
是不夠的
我們那天是周日,人比較多
所以樣樣玩一點點就走
大豆都玩得好開心呢!


大豆嚷着要去真正的科學館那邊看
可是我們沒有買票
人很多呢!
外面還有潛水艇


公司的小朋友聚餐,真是只給小朋友
只有糖果,零食,小三文治
還有jumpy castle,做手工的攤位,聖誕老人還來了跟小朋友影相
兩豆都驚老人。。。影相真係唔洗
只希望廿五號收到想要的
我們兩吃不飽又凍
最後都是趕快跑回家去。。。。。




Friday, November 28, 2014

開車時間 - 聖誕裝飾

Luca媽個車房終於搞掂啦!
之前趕在老爺奶奶來到前
車好所有枕頭袋,窗簾和枱布
(唔搞好的話,奶奶大人會走去幫我地買。。。。
買唔係問題,買左唔合我們心意但一定要舖就好煩
特別是現在屋細,真不想家中有太多雜物)


今次的衣車枱比以前巴庫那張還少
無辦法呢
否則沒有地方放布布和其他材料


做了一條掛在聖誕樹上的旗
不一定要掛在聖誕樹上
掛在其他地方都可以


還有其他聖誕掛飾


大小豆見到聖誕裝飾都很興奮
這個週末我們就會去買
我們家的第一棵聖誕樹
是啊!
第一次為家居做聖誕佈置
因為過去七年來
每到十一月尾
我們就會返香港。。。。。

前日經過市中心的一間手作店
見到喜愛已久想買的Sajou 拉呎
兩年前已經好想要
前日就神推鬼擁地買了
買的時候覺得店員不太友善
18歐我還付得起
鬼鬼祟祟
只怪自己太大意
回家才發現"1" 字旁邊污漕了
清理後
大家還隱約見到污漬


Tuesday, November 25, 2014

大豆七歲啦!

上星期三是大豆七歲生日
生日前一晚
收到Coffee姐姐寄來的生日禮物
大小豆都非常興奮

很漂亮的立體生日卡
大豆第一時間放在書架上
還有蝙蝠俠車
還有很多很多很多很多各式各樣零食
大豆每天回來都很開心呢
。。。。
同一時間
小豆就搶了一盒Doraemon
打開
原來是胖虎唱歌呀
真係正正是給小豆的
小豆有兩支私家咪
日日都會唱歌開concert架

大豆生日,沒有特別開生日會
我們請了爺爺嫲嫲來玩幾日



大小豆當然開心
但媽媽就不停煮飯,食飯,洗碗
洗完碗又再煮飯。。。。





Monday, November 17, 2014

又敗家 + 香港友聚會

不在老家的日子
除了去超市Shopping之外
行街買嘢是十分奢侈的活動
Luca媽轉移陣地已久
撳撳撳電腦隨時Shop! 
今次遇上Valrhona Sale
1kg黑古力
兩盒純可可粉
三盒禮盒古力
還有兩排細的
連運費才七十歐


不要以為是過期貨呀
大部份到期日去到出年年尾和一六年中


上周五Luca爸生日
立即拿二百克來做蛋糕ganache
有人伸手過來要攞
。。。。。。。。。。。

上周六去了巴黎香港人的飲茶聚會
世界就是這麼細
以前有用Yblog的朋友
有記得住在巴黎的小白羊嗎?
現在能搵返小白羊,還做埋真朋友
真係好開心呢!
多得她帶我去呢個聚會
又識多左朋友


第一次在巴黎飲茶。。。。
食物不錯架
想像不到腸粉最好食!


可以一個人出去行下
真係好開心架!
上一次去十三區買老家產物
已經是十二年前的事
今次再去
感覺很特別
多得白羊帶路
買了幾個出前一丁給大小豆做手信
還有呢兩包春卷
開了雞肉那包
出奇地好食!
(我自少對翻熱食物感覺麻麻)


要試埋另一包再報告!