Luca媽相信夢，不是迷信那一種，而是相信夢境可反應一些東西
曾經試過把夢境記下，再去找夢的喻意
可是夢境出現了太多事
解夢書解得一般
後來，某書指，夢如果是前半夜的，多是日常生活發生的事，現實中的殘餘記憶
而清晨的夢，有時候可顯示一些將來會發生的事（第六靈感？）
有時候，在夢境中看見一些多年沒有見，不相熟的人
日常生活根本不會再想起的人
這不有趣嗎？
離家多時，很多時會夢見家中發生一些事
第二日致電回家問問，真有其事喎！
甚至過世的至親代傳口訊
這應該是想家想屋企人的原故吧
最近，上星期吧，一連多晚夢到那貪心煩人
心知不妙
這人擺着身世可憐姿態，多年來離間我家人的感情
屋企多年來多次為着這無謂人而爭吵，不開心，不值得
身在遠方，都夢到她？
致電回家，我的天啊！！！原來是她的生日，我又怎會知道她生日呢？！
又是她，令到屋企人不開心
屋企人不開心，不用開口，身在遠方都感覺到！
這人要別人年年記着她的生日，要為她慶祝，要送她禮物
放屁！
從小到大，我都從來沒有生日會，慶祝亦不多
長大後，生日更不是一回事，沒有旦糕，更沒有禮物
現在有了孩子，更覺得生日那天，媽媽受了不小痛苦
有良知有良心有人性的，生日那天應去感謝媽媽
持住很寂寞一個人，厚着面皮，常常打擾人家
要知道自己身份，時時都見，見到都厭
做人要懂得知情識趣，那才得人歡迎
留一點尊嚴給自己，留一點空間給別人
......
唉，不是講關於夢嗎？最後變成了吐苦水
難為了親愛的blog友睇着這遍苦水
不過，心情都好多了，謝謝Ｘ１００００！！
無告知, 你同樣會知一二呢 你簡直同我心靈相通呀...
ReplyDelete[版主回覆08/14/2009 10:30:00]那當然啦！ 不過真係好神奇！
deja vu?!我都成日有、明明現実未去過、未発生的事、在夢境先発生。最犀利那次是小時不見了剪刀、找来找去都找不着、睡覚去、夢見剪刀在那、醒来去看、真的找到！ 夢見現実中討厭的人都試過、簡直是0西了我的睡眠時間。
ReplyDelete[版主回覆08/14/2009 10:30:00]有時我發的夢同現實係相反，好似話如果發夢食好多野，第日會洗好多錢或唔見野，總之，好夢未必係好事
我都成日夢見未来事、若係突然夢到親戚、通常都係凶兆。 我以前成日認爲夢係叧一个空間、経常諗究竟辺度至係現日呢（？） 因爲我有几个夢都係由細発到大、而家簡直倒背都背得出、又試過有段時間（続住）発一个夢。好神奇！！！ 不過我係近乎日日発夢既人 Ｊａｃｋｂａ就一年都無一个（奇！）
ReplyDelete[版主回覆08/14/2009 10:27:00]Jackba可能唔係冇發夢，只係佢唔留意吧！ 你個夢由細發到大咁得意？發夢中六合彩呀？
親戚中總有一兩位麻煩人, 唉......
ReplyDelete[版主回覆08/14/2009 10:25:00]咪就係，做咩呢個世界會有Ｄ咁嘅人，惟恐世界不夠亂咩？
嘻嘻, 我都成日发夢, 夢醒仲會記得個夢。之前發咗太多夢, 所以去咗買本解夢書。試過發過幾次相同但我唔認識嘅地方嘅夢, 有時嚇到醒。 呢排我就經常夢見朋友家人, 應該同思鄉有关。
ReplyDelete屋企有攪事怪, 真係好煩人 。
[版主回覆08/14/2009 10:24:00]都試過發惡夢嚇醒，又試過笑醒，都試過喊醒 哈哈哈
唔知係咪訓得多 呢排我晚晚發夢 好似冇訓過咁,仲辛苦過擔泥 唉~我家都有個麻煩人 每次夢見佢都唔慌有好野......
ReplyDelete[版主回覆08/14/2009 10:23:00]我都好怕發夢太過投入，第二朝起身時覺得好似冇瞓過咁
當夢境與現實吻合，唔知會唔會夢到六個中獎數字．
ReplyDelete[版主回覆08/14/2009 10:22:00]真係報夢有六個中獎數字就發達啦！
如果夢見BB或小孩或大肚，通常將有/已有麻煩事發生！
ReplyDelete[版主回覆08/14/2009 10:21:00]咁夢見Luca算不算有麻煩事？
如果發夢食野,第日賭錢一定會輸
ReplyDelete關於清晨的夢...我都有同感,因為我都有同樣的經歷,雖然不是次次準確,但也估中不少.神奇.
ReplyDelete唔知啊！自己個仔唔算掛！
ReplyDelete