Friday, July 31, 2009

不再Baby Club

經過星期二三陰天困在家
星期四早上起來天氣晴朗
便興高彩烈地準備去baby club

一路行去,Luca都很開心
可是到達門口,他有點不對勁
手腳都夾實我
按門鐘,老師開門
Luca更開始大喊,不肯離開我

其他小朋友,小年紀的都開始喊
老師不想多添麻煩
便打發我們走

回程路上,Luca媽不段在想.......
回想上星期兩次的Baby Club
Luca都"開了大大",一見到我就大喊

可能Luca因為沒有人幫他清理大大
不舒服所以不開心
而我當然沒有去怪老師們
懶得就懶,可以扮唔知,等我接Luca回去自己清理
對於這兒的人那德性
很正常

所以我們都不會迫Luca去baby club
免得日後得了上幼兒園的童年陰影
那就更麻煩!


Wednesday, July 29, 2009

今日係星期二定星期三呢?莫非今日係星期四?

唔好意思

諗左好一段時間,都醒唔起今日係星期幾......

一早起身,打算同Luca去baby club

不過,空氣很濕,外面很多雲

看.....原本這麼近的山,都唔見埋!







看看我們的蕃茄
兩星期出了這麼多!




大家知唔知呢包係咩呢?
估下啦!
俄文係Malako



Tuesday, July 28, 2009

薩哈林海灘Picnic!

七月二十七日,星期一,天晴
太太們的活動一個又一個地取消
最後臨時拉夫,搞了一個海灘野餐

十個女人,湊住十個細路
加埋司機,還有公司委派了一名保安
浩浩盪盪出發

車開了近一個半小時
還未見海
只見司機不段駛入小路,又駛出小路
最後,在middle of nowhere,停低了
原來司機打了電話找人帶路
但都一齊迷了路



一望無際,連路牌都沒有
不能告訴大家那兒的名字是什麼



路,真係很惡行!



在車內呆呆的Luca






最後,帶路的哥哥說,這條路可通往海邊
但因為巴士不是四驅車
而步行又太遠
所以,就會去另一個較易去的海灘
(當時太太們都覺得很奇怪,為何司機先生要找個這麼特別的海灘?!)



最後,十多分鐘車程
我們到達這不知名的海灘
太太們舖好野,企埋一邊吹水




Luca一見到水,當然十分興奮!







望出去茫茫大海



這麼好天氣,Luca又怎甘心不濕身
十分鐘踩水熱身後
就開始愈行愈深
好彩Luca媽有備而戰帶定衫俾Luca換

我們逗留了不夠四小時,但坐車來回卻四小時
說實話,海灘沒有什麼特別
沙都是黑泥色,又多柴枝
論風景,真係沒有什麼等別
不過一向生活在零下四十度的當地人
難得好天氣
很多人都在這石柴灘上,穿着泳衣,曬太陽
而我們人人都長袖衫,十多度天晴不太冷,但都不太暖




Saturday, July 25, 2009

購物樂!!!

看見各親朋好友blog友們在夏季大減價中出血出力
Luca 媽的購物癮大得不可收拾

這兒日常"購物"都是食物和家品
衣服鞋物這兒當然有售
但當你看見一雙Made in China的老土高跟鞋減價後都要過千港幣時
心即時沉入谷底!
況且俄國潮流不是Luca媽那杯茶
穿不到4吋高跟鞋加鮮黃色魚網絲襪,襯熱褲低胸上衣再加Fur!

唯有,同自己講,儲埋D彈藥年底回港掃貨啦
可是,
年底.....還有半年才年底
Luca媽終於忍唔住
上網購物

心驚膽跳了大半個月
一來擔心箱子又被打開
又擔心海關會要錢
甚至又整箱充公?
經過了上一次海運事件,還不夠嗎?

最後
7月4號下單
10號在日本寄出
13號到了莫斯科
19號再由莫斯科寄出

昨日,終於收到!



日本人做野,的確細心
Luca媽買了很多易碎零食,一塊都沒有碎
還有小Luca的肥美腿Leggings!冬天必備(一千Yen有三條,幾抵!)
仲有(又係Luca的)小饅頭,原味紫菜
Luca的食飯圍巾
Luca媽的香薰
仲要今次遇上兩星期Sale加EMS免運費呀!!!

Luca仲有一對水鞋,由昨晚開箱到今早,他都嚷着要穿

今早起身,頭都未梳,就要穿水鞋!


Luca爸話,佢呢一身造型,好有香港魚販Feel!





Made in Japan的水鞋,真係唔同D?
packaging 好靚之餘,仲一D塑料氣味都冇!
而且價錢比在法國Carrefour買對小朋友Aigle 平


最後,要多得Luca爸話,可以再有下一次喎!!
呵呵呵!那Luca媽當然不會令他失望,會有下一次,仲有之後好多次啦!




Friday, July 24, 2009

俄國的孩子

幾星期前,一個太太茶會的早上
如常帶着Luca,參加在酒店Lobby的太太茶會
茶聚有來自各地的太太八位
閒話家常,同時計劃未來的活動

兩小時的吹水茶會,Luca媽當然樂在其中
可是小Luca不耐煩,四圍走
幸好,薩哈林的酒店不似香港的忙碌
兩小時內在Lobby Lounge行過的住客不夠十人

小Luca四圍走,周圍碌,仲開始瞓响地
Luca媽即刻捉住佢唔俾佢瞓地
點知捉左好幾次都唔聽
唉,算,由得你
坐返埋位,坐隔離的俄羅斯太太笑住同我講
"International Kid is like this
Russian kids can not do that"

當時的Luca媽唔係咁好"老焷"就講
"Chinese kids can't do that neither!"
走去捉住隻衰仔,又坐返低

*****
昨日,跟好友鄰居講起這件事
原來,她都有好多好多次給俄羅斯人投訴,她的兒子太多手頑皮
(事實上她的兒子的確很頑皮,但人家孩子是人家的事
我們總不會三唔識七話你個仔頑皮吧?)
她試過很多次在街上
給不認識的人,叫她拖好兒子,不要讓他亂跑
在商店,給店員叫她不要讓兒子觸碰東西
在書店不要觸碰書籍
等等等等

的確,你不會在街上看見俄羅斯孩子在跑
孩子們一定被拖實,或在車仔中
除了公園和幼兒園外,你不會聽到孩子的叫聲
商店中,亦不會見到孩子
媽媽在商店購物,爸爸在商店外
就算店內有孩子,他們都不作聲
玩具店不會見到像香港的玩具店,孩子們在玩
這兒沒有試玩或試食.....

長大後的俄國孩子
會跟小時候一樣的安靜嗎?
工作上十分安靜,你不來踢我一腳,我還整天靜靜地在facebooking!
簽證搞兩個月都未搞好
搞好了,兩個月後又到期
一張如厠紙一樣梅的所謂簽證
一群唔踢唔郁,踢一踢郁一郁,整天飲珈琲煲煙的員工


Thursday, July 23, 2009

Gardening MAMA﹣無聊種下花?

對種植一丁點常識都沒有的Luca媽
來到薩哈林,腦中只想着種花

其實,是因為來自(Kazakhstan)卡扎克斯坦的好友鄰居
告訴我們要好好準備冬天的來臨
即是話,戶外都不會再見到綠色
俄國人都會在室內種上很多植物

好啦,上星期日就同埋Luca爸一齊去植物店買點東西
店主一位胖中年婦人十分熱心,不停講解介紹
但在我們零俄語的情況下
只能看見她的熱心
但完全不可能有交流

原來打算買些蕃茄種子,草莓種子和一些香草種子
還有泥和花盤
最後,我們兩大包的抱回家去

打開購物袋,只知道有花盤
唯有敲門找好友鄰居幫手

她左看看右看看
袋中有三包肥料
四包除蟲劑
三包泥
只有一包草莓種子


又一個證明,我需要學一點俄語!




Wednesday, July 22, 2009

Ya TabTab - Nancy Ajram

在埃及生活的三個月裏
除了認識到埃及這個國家,埃及人的生活,文化
還有回教,肚皮舞,阿拉伯文
以及, 所有阿拉伯人都會認識的她﹣Nancy Ajram

她生於黎巴嫩
四歲開始唱歌
十二歲參加電視台歌唱比賽得冠軍
之後跟黎巴嫩最有名的歌唱老師學音樂和歌藝
未夠十八歲已被黎巴嫩藝術專業機構認可了她的歌唱技藝
零三年還得到最受歡迎阿拉伯歌手

在埃及的時候,跟中國朋友去健身室
回教國一定是男女分開,當時什麼都感興趣
其中參加了肚皮舞班
除了知道了自己手腳不協調和沒有跳舞細胞之外
還認識了很多中東女子
跳舞時,老師都會播Nancy Ajram的歌

*****

又是下雨天的今日,心情麻麻
在itunes中找回她的歌
FB上還有英文translation
原來歌詞咁搞笑
聽完心情不錯,跟大家分享





Tuesday, July 21, 2009

第n桶的半桶水

廣東話開始講唔正
中文字好多都唔識寫,執筆忘字

英文ok 啦,講英文寫英文睇英文的機會比中文多
不過始終不是native, 有口音

法文,得返半桶水
聽和講還可以吧(只怪Luca爸唔同我Practise)
睇和寫機會不多

日文,在澳洲時雄心壯志興趣甚濃
學了十課,停了.......
有五份一桶水

昨日,訂了的俄文書,作業和CD都送到
已經十分用力地去記熟那33個characters
學俄文,真是迫不得意
想生活上方便些
最起碼唔會買錯糖和鹽
知道生產日期和expiry date
分得開牛奶和cream
(係會買錯的.......本地人好瘋狂食cream,所以cream的體積都係一公升!)
唔知今次俄文"勉強"可維持幾耐?!







Monday, July 20, 2009

星期一隨影

上個星期大雨
加上Luca媽懶行
Luca成個星期困在家,沒有去玩,亦沒有去baby club

今早起來,天氣不錯,要帶Luca去baby club玩下,散下心

準備出發的Luca



有得去baby club, 心情勁靚!


Luca媽一個人行的話,大概10分鐘路程
抱住Luca的話,多五至八分鐘
為何Luca不自己行?
這兒的"好路"不多,去baby club的路很爛
這是Baby Club,典型俄式樓房
Baby Club 只是地下一單位
有兩位"老師"照顧小朋友
顧客不太多,今早都只有五個孩子
一小時價錢比請鐘點清潔貴,要十美金




放下了Luca, Luca 媽自由兩小時
今次走大路回家
途經報紙檔
這個可愛的報紙檔
五邊玻璃櫥窗放滿了貨品
買東西便敲中間那小窗
報紙雜誌,玩具文具,口香糖,小零食,一應俱全





這兒最普遍的俄式四驅車




這是我們家對面的小商場及超市
不知他們在做什麼
希望不會就這樣建多一層..........感覺不安全



超市購物十五分鐘,Luca媽還有個多小時自由下!
不過都是不停手準備午餐,執來執去
又夠鐘接Luca回家

回家後的Luca
反轉張小椅,坐在中間,看電視





Friday, July 17, 2009

列寧廣場 ﹣ Lenin Square

今次介紹,坐落市中心的列寧廣場



這個列寧像,是列寧百歲壽辰那年
俄羅斯中央政府送給薩哈林的禮物
本地人都話,這個像是一份大禮
所以便放在市中心的中心點
的確,這個像真的很雄偉!





Luca爸話,兩年前還沒有這兩個又大又嘈的電視廣告
不過這兩個電視廣告的質素,就當然沒有香港的高
天氣好時,還有人拉馬仔,及大量鴿




列寧像後面,這個小的雕像
是紀念1995年,薩哈林北部的大地震
聽講,當時震央城市有三千多居民
但死亡人數卻有二千五百人
Neftegorsk Earthquake Memorial




列寧廣場的後面,就是薩哈林火車站



Thursday, July 16, 2009

Helene.......Je m'appelle Helene......

突然想起這首歌
是大學時候,我們法文班的名曲
話說professeur很喜愛在聆聽堂播歌
播歌同時每人派一張歌詞玩Fill in the blanks
如是這,一個小時的課堂中,不段重播
然後的幾次聆聽堂,都是Helene
過多這麼多年
都能哼起Helene
多麼叫人懷念的大學時光!


Wednesday, July 15, 2009

想家的季節

又是下雨天

不要埋怨,我們有晴朗的星期日

小時候,很喜愛下雨天,還記得伸手出窗外玩水的情景

孩子們都是喜歡下雨天,Luca當然都不例外

不過我甚小會在下雨天帶Luca出外

還嫌平日不夠辛苦嗎?!

所以,下雨天我們都得困在家裏

外面灰暗暗,心情亦不見得好

Luca爸工作時間又超長,日間的時間好像過得特別慢

加上有時候Luca無理扭計

恨不得可以返香港..............

可是,薩哈林的生活才剛開始

我們的簽證都還未辦妥(兩個月不可離境)

怎可以回去呢?

回想去年在澳洲,心情差百倍

語言不是問題,生活不是問題

但卻有好幾個月陷於抑鬱狀態

好小的事情都會喊到收唔到聲

............

有時回想起那個時候

又看看現在

唉,一動不如一靜,等到自己再頂唔順至再諗返去啦

既然十一月底的假期都決定好

起碼我們都算有個目標

Tuesday, July 14, 2009

無聊又一天

以往在柏斯住的時候,不常看電視
一來怕Luca年紀太小
二來電視節目不多
(電視台只有四五個,節目不有趣,有趣的又常常重播,試過睇07年Opral聖誕show一個月內兩次,或Dr.Phil個個月都係同一輯﹣做咩會無人投訴呢?!)

幸好,這兒有衛星電視
不過這衛星電視卻異常敏感,天氣差D大風D都會咩都冇得睇
Luca與我每日早上都會看CCTV新聞,補下普通話
早上十一時CCTV便有兒童節目,唱歌跳舞

不過今早CCTV失靈,轉台睇BBC Lifestyle
一早Hells Kitchen又唔係咁好
韓國國際台有時都幾好睇,但今朝沒什麼好節目
最後,哈哈,NHK有兒童節目,又係唱歌跳舞,正合Luca心意




Luca就梗係會跟住跳啦!



上一篇blog Luca 媽投訴沒有自由時間
其實,每日下午,Luca午睡的時候,Luca媽都有小小時間做下自己野
周圍睇下blogs, update下個blog
先一排Yahoo Blog失靈時,更搵返部NDS來玩下
無聊到呢...........




玩Gardening Mama?!
唔係呀麻?!
個NDS仲要有貼紙tim!(咁Luca媽都曾經細個過.....依家都唔係好大吖)


真實版Gardening Mama......
在種士多啤梨和Basilic

唔知會唔會有收成呢?!




Monday, July 13, 2009

Luca媽的小息

20個月來沒有自由時間
沒有好好睡過一覺
連大小二便都沒有私人空間
(每每一走入洗手間Luca就會緊隨
門關上便會大喊.....)

這20個月.......
幸好每次回家都有Luca公公婆婆舅父幫手睇住呢隻暴龍

不過,今年,我們在十月之前都不會有機會放假
(除非Luca媽中途捱不下去......
但想到首爾回程時四個小時零晨機早上五點到還要多等五小時轉機
一個人都覺得不好受,何況帶着Luca哥?!)

所以,Luca媽好勇地,帶了Luca去Baby Club!
好勇的意思係,言語上完全不通,所有我所知的都是通過身體語言
把孩子交給全俄文的幼兒院扥管

不過,第一次去baby club 時,Luca媽是陪着Luca的
往後去過兩次(只去過兩次因為Luca病)
Luca的表現都不錯
同時多得baby club那姐姐好識做
Luca換好鞋就立即捉左佢入去
那時候Luca媽便溜走

走出baby club, 頭兩次都有點擔心
後來發覺我的擔心是多餘
Luca同朋友仔玩得好開心,走時更揮手byebye

這樣,Luca媽至小有兩個小時去超市
又或者只係享受一下寧靜
同時亦再沒有藉口說沒有時間做運動減肥囉!


看看小Luca的第一幅大作!!
當然Luca媽一睇就知一定沒有可能係一個只有二十個月大的人仔的所為
可能老師捉住佢隻手
不過真係好開心,至小知道佢都好享受去baby club!





Wednesday, July 8, 2009

Les Vacances

這幾天,跟Luca爸爸計劃今年的假期

Luca 爸爸帶來了好消息

是除了原來累積的vacation有薪假期廿多日之外

薩哈林分公司還給了另外三十二日days off

以彌補international expat contract 的員工周六和當地假期都全日工作

vacation 跟 days off 不同

vacation 批準後,公司就不能因工作而取消員工這假期

而days off 呢,就是公司low seasons時,員工可休假,但批準後都可被改動

而這days off,公司只包了價值相等於由薩哈林去星加坡的機票,而不包住宿

不過同時

Luca爸爸都帶來了壞消息

09年我們一家人的vacation津貼被大幅調低

由08年的24點,降至今年的7點

去年的24點,我們一共用了:

Luca (還是infant不佔位)加我﹣四次柏斯﹣香港經濟位
             ﹣一次柏斯﹣BKK經濟位
             ﹣一次柏斯﹣KL經濟位
還有Luca爸爸的兩次柏斯香港經濟位
仲有我們一家三口(兩大一infant)兩次香港﹣Brest商務位

可惜今年風光不再

7點,我們應只可以年底時
從薩哈林回香港,加香港去Brest一次,經濟位

市道不好,機票價錢依然高企
加上Luca大個仔要坐一個位
兒童票是成人票正價的30﹪
即係我們買到特價票,分分鐘Luca的機票比我們的貴

其實,都不是投訴,去年BKK和KL都不是假期
只是Luca爸爸出trip而我們拉機尾去趁熱鬧而已
今年多了假期,但Luca爸爸平日的工時卻比以往長
都只是公司有點情義吧!




Tuesday, July 7, 2009

病倒了的Luca一家

Load了好幾日都Load不到的yahoo blog, 今日終於幸運地load到了!

天氣時好時壞,時冷時熱

小Luca一家都頂不住了!

首先是Luca周五發燒,然後到Luca爸爸媽媽一齊開始喉嚨痛

全靠香港兒科醫生的平安藥,Luca好快就回復過來

而一直未令教過中醫的Luca爸爸,都整了一劑沙溪涼茶

可想Luca爸爸有幾病!

至於Luca媽,就係兩劑沙溪涼茶加一劑維他命C

真多得Luca婆婆啦!!

同場加影,Luca的新車!!

是柏斯貨,不是俄國貨啊
看Luca多興奮,應該沒唔舒服吧




不過Luca對腳未夠長去踏腳踏,只能"坐車"而已!



還有上周的"大作" home-made pizza
不過個皮是在餅店買的,mix好的dough,可以做面包,pizza......




還有這個東東,是太太團們的welcome gift
很漂亮呢!