Saturday, November 28, 2015

十一月。。。。

大家好嗎?眨眼又到十一月尾
十一月發生了很多事
是大豆,豆爸和豆公的生日月
不過最震驚,大家都會想到
是兩個多星期前的巴黎恐怖襲擊
暫時
我們都未敢坐公共交通
同時都未有出巴黎市中心
連附近的大型商場都未去(今日會去去。。。)
因為我們所住的地方是近郊
所以仍然人心惶惶
要乘坐公共交通,要出巴黎中心上班的人
當然別無選擇
有朋友仔媽媽話
上星期我們市內另一學校
收到一件匿名包裹
學校通知警察來引爆
發現原來包裹入面的,竟然是鵝肝醬
是某位老師訂購了的鵝肝醬
可見
大家依然很緊張,成為驚弓之鳥


其實,小學保安由年初發生的查里週報槍擊案開始
已經升級,現在更加是最高級別
所有非學生的人,都不可進入學校
如果家長約了老師見面
老師會出來迎接
而學校之前計劃了的賣物會,遊戲日
都全部取消
小豆上的幼稚園(在大豆學校對面)
原本由開學開始
家長都可以入內幫小朋友準備
現在
連小豆都要自己去班房
自己換鞋除衫


希望,唔好再有恐怖襲擊

Wednesday, November 4, 2015

兩豆倫敦遊-Oct/2015 - 1

剛過去的十月學校假期
兩豆一家去了倫敦遊了五日
比較過不同的交通工具
最便捷還是坐歐洲之星火車
由我們家出發坐巴黎RER地鐵到Gare du Nord
才半小時
我們坐下午三點火車
吃過午飯十二點半就出門口
去到Gare du Nord要到Eurostar專區Check-in
先過法國海關,再過英國海關,還要過安檢
終於可以好好坐低等上車的時間只有半個鐘


在網上買票時已揀好坐位
全車爆滿呢
車程兩個半小時,話咁快就到倫敦了


第一日到埗已經係倫敦時間四點半
排長龍買地鐵卡,去到酒店都接近六點
落大雨不想再外出,晚餐在酒店搞掂
第一日就咁玩完
。。。
第二日一早起來吃了個英式早餐
可惜最得小豆歡心
還是西瓜
在其餘三天的早餐
小豆都只吃西瓜。。。。。。


食飽早餐,就出發去睇大豆最喜歡的倫敦名物-大笨鐘
一出地鐵無耐,就搭正十點鐘響





在西敏寺附近行了一陣
就坐地鐵去搵食,去了牛津街行下等餐廳開門


難得來倫敦,Luca媽當然有去Liberty朝聖
這百貨店真係靚爆
可惜貨品都好貴,花布還比在法國買貴
最後都係得個睇字





幫趁了誠實漢堡(honest burger)
餐廳11點半開門,我們入去時已經是11點50分
只有一枱日本人在用餐,不停話好味
之後三十分鐘內,餐廳就坐滿


食飽飽,出發去預先訂左的Sky Garden 睇風景



















































今日行程尾二,就是預先買了票的Tower Bridge
想去的朋友力推預先在網上買票
我們去這天是星期日,已經下午三點幾,購票口還大排長龍
我們早買了票就不用排隊,直接上橋
兩豆都很興奮呢!



早天黑,從橋出來只是五點,但已黑齊
又趕去食晚飯
吃了很久沒有吃的馬拉菜

今次倫敦行要特別多謝Ka給了很多意見和貼士
多謝多謝!!



Wednesday, October 21, 2015

八月福岡 - 3

扶老攜幼的旅程,時間特別過得快
幾日福岡除了頭兩日去過門司港和熊本外
其餘時間都因為太熱,出外走走後就返酒店午休
當然,兩豆阿媽又點會跟大隊返酒店瞓
梗係要趁短短兩小時去血拼。。。。

Friday, October 16, 2015

八月福岡 - 2

今次來九州,出發前在香港買了張火車證
火車證分北九州和全九州
我們買了三日北九州證
來回熊本坐新幹線已經值回票價

八月福岡 - 1

近日巴黎的天氣凍得很快
早上只有四度,還下着毛毛雨
真係心都寒!
回想起暑假返香港好熱。。。。
可是已經記不起那種熱
今次回港還加映了家族福岡行
香港老家麻煩嘢多,所以一齊去行行散下心
。。。。。。
八月的福岡,真係好熱
原本買好火車套票到處走走
因為太熱太辛苦
迫住要去行街歎冷氣

Thursday, October 1, 2015

護膚品敗家@Look Fantastic

從來,對護膚品都不講究
可能自少皮膚問題不太多(自我感覺吧。。。)
隨著時間流逝,年紀增長,生活環境轉變
越來越覺得皮膚暗淡無光澤
加上搬來法國後皮膚變得非常乾
頭髮又立又沒有volume
是時候要出手

幾個月前有朋友介紹呢個英國網站
有國際免運費,非常吸引
上星期五下單
昨晚(星期三晚)就送到



Aveda Pure Abundance
這套洗頭水護髮素非常適合油頭的Luca媽
多年前用過好幾套
覺得貴要轉下
現在還是重投它的懷抱!

其他的貨品都是新入荷,未試過
JASON這支body lotion質感不錯,只是香味怪怪
法國都有好多品牌的body lotion
試過許多都未找到心水
===
Korres是希臘品牌
又是玫瑰情意結吧
24小時保濕cream不錯
Luca媽塊面沒有再乾到柴咁
====
KENT髮刷立即開嚟用
大愛

買了50鎊送了個禮盒
又是beauty box的玩意
原價要十幾歐


送左好多嘢
旅行裝好方便呢!
試用了左手面的髮cream和右手面的磨砂
都不錯


新品睇完
舊物呢。。。。其實白潤精華是返香港的時候買
剛剛開,好用呢!
但是各式Anti wrinkles的護膚品自己都受不了
由非常便宜的法國有機Anti wrinkles cream
到大眾化的Kiehl's
到Lancome 的Genifique
全部都不合用
用完皮膚非常乾和"鞋"。。。。。






Monday, September 28, 2015

祝大家追月快樂。。。。。。

從小,中秋節都是Luca媽最喜歡的節日
嫲嫲會買各式豬籠餅,凌角,芋頭,楊桃,碌柚,水晶梨。。。。。。
媽媽收工後,會去紙紮鋪買楊桃燈籠
還記得,她常常說燈籠唔平,水晶梨好貴
但過節,會捨得買
那時候,收入不多,什麼都覺得貴
還有印象的,是屋邨商場的文具店在過節前
都有掛出林林總總的電燈籠
最記得那時候有過外星小美兒燈籠。。。。。好似是紫色頭髮的,是嗎?
然後,長大了
爸爸媽媽還是會買燈籠
最傳統那些
香港老家的櫃入面,還有隻白兔紙燈籠唔捨得掉
媽媽應該不知道呢!
離港差不多八年
印象中吃過兩次月餅
都是在中國朋友家中,一次在薩哈林,一次在巴庫
今年呢
在上星期收到一份很大的驚喜
很入心
再次多謝你!


所有都包得美美,叫人怎捨得拆
手作的鳳梨酥,月餅和曲奇
我真是非常幸運呢!


昨晚的月亮,真係又圓又光
才八點鐘。。。。


咁大個女,未食過奶黃月餅
很香滑,甜度剛剛好
非常巧手!
祝大家,追月快樂!
人月兩團圓!

Thursday, September 17, 2015

太婆的奇遇

前兩日收到兩豆姨婆寄來的信
拆開,
竟然是法國國家足球隊教練和副教練的簽名名信片


。。。。。
事源某一晚零晨三點
在法國西北部某老人院內
兩豆太婆在熟睡之際,有人開門拍醒她。。。。
原來是另一位婆婆,就稱呼她婆婆A
婆婆A半夜三點迷路了
唔知自己去左邊
就是但入了一間房
正好是兩豆太婆間房,把她叫醒了
請求她帶自己返自己間房
**法國老人院房間都有獨立洗手間和小廚房
        所以半夜尿尿或者肚餓都不用出房
。。。。。
半夜三更,濛濛瀧瀧,92歲的兩豆太婆
又點會有本事帶到婆婆A返去佢自己間房
所以,兩豆太婆就邀請婆婆A坐低飲啖水,傾下計
唔知兩位女士傾咩
因為半夜凍,傾傾下,兩個一齊在床上蓋住被,慢慢傾
。。。。。
傾到唔知幾多點
有護士巡房發現兩個妹妹半夜三更傾得咁開心唔瞓覺
了解件事後,便帶婆婆A返去
第二日,護士把事情告訴兩豆麻麻和姨婆聽
同時收到婆婆A的兒子打電話來道謝。
原來
婆婆A的兒子,就是法國國家足球隊的副教練來
而呢位副教練,兩豆阿爺曾經跟他做過隊友
(兩豆阿爺曾經好威,年青時在法國西北部其中一支勁旅Guingamp足球隊踢過,可惜因為交通意外,左眼失明,不能再踢,否則可能做左球星呢。。。)
所以副教練為左多謝太婆咁照顧婆婆A
就送左幾張簽名名信片給兩豆
還有張有齊全隊足球隊的簽名海報呢!
不過大豆話,佢一個球員都唔識
只係識巴黎聖日門隊的外藉球員Zlatan Ibrahimovic,哈哈哈!

Sunday, September 13, 2015

又回歸啦!

各位親愛的博友好嗎?
希望大家都好!
暑假玩完,兩豆都開學了
Luca媽終於又回歸。。。。。

開學已經兩星期了
大豆升三年級
小豆都開始返幼稚園低B班
原來打算頭幾個月俾小豆返半日學慢慢適應
點知,第一日中午放學時已經唔肯返屋企
所以,第二日開始已經返全日了。。。。呵呵呵!


有八年沒有獨處的Luca媽
當然非常開心,終於有返自己的時間
。。。。。
至於大豆呢隻小學雞呢
今年的班主任是位男老師
希望會有另一種教學方法
令容易悶和易分心的大豆學得開心啲
暫時功課不多(對香港小朋友來講更加係無)
有時間可以讀英文
和學柔道呢



Tuesday, June 30, 2015

周日散步之幫朋友出血

由上星期三開始,又是一年一度法國夏季大減價
星期六一早
我們便到家附近的大型商場的超市入貨
入貨清單的日用品和食品都買好
大豆新學年的書包和日記本都買好
我們可以安心放假去!

Luca媽的清單內,要找一組放玩具的膠櫃
找來這組Made in Luxembourg 還打五折
十歐就帶了回家
兩豆都好開心呢!


另外帶了回家的
是期待已久的Staub 30cm鑊
自去年十月在Le Bon Marche見到減價86歐
因為太重拎不到
終於再見到減到86歐

真係又大又重
今次在商場的廚具店找到
不同坐地鐵帶回家
太幸福了!


因為是夏季大減價的第一個星期
所以巴黎市中心的大百貨公司都額外營業
所以,星期日我們就坐火車
今次是幫朋友出血

好幾位朋友指定要買Longchamp
星期六已經買了幾個,今日再買
朋友話,法國沒有減價,68歐那一款(沒有退稅)
香港要賣到1200港幣
真誇張!
暫時買了五個
想再買的朋友快落單
我們星期日就返香港啦!


今次散步的位置是Saint Sulpice
其實就在Le Bon Marche過兩條街,巴黎6區


一出Saint Sulpice地鐵站
後面就是Eglise de Saint Sulpice
兩豆都非常喜歡行教堂
所以一定要入來轉個圈


小豆準備緊舉V字。。。。
大豆好忙周圍望


原本出來想去La Maison du Chocolat
好可惜呢間分店無開門
走返去Saint Suplice
Rue Bonapart有間Laduree, 但兩位豆爺要吃雪糕
就在呢個時候,見到間Pierre Herme
兩豆老豆話佢唔識呢間嘢
香港好似好Hit


試了他家的名物
Macaron 雪糕
要了一杯檸檬雪糕配Macaron
一杯Vanilla
真係各有特色
七個幾一杯雪糕。。。。


另外還買了一盒七粒Macaron
很可愛的盒子






Monday, June 22, 2015

失而復得。。。。

話說,呢件事發生係去年十月份。。。。。
十月尾Luca媽返香港申請簽證的時候
順便給自己寄了一箱雜物:
 一些很重又不趕住用的書和兩套床單被鋪
都有二十多公斤
香港郵局的職員話,大約兩三個月就到
。。。。
回到法國,當然慢慢等
去到今年一月初
香港的屋企人收到香港郵政的通知卡
話十月尾的包裹送了返香港
請一個月內取回,並繳交一千七百港完的打回頭郵費
否則,包裹將於一個月內銷毀
。。。。
屋企人panic,我決定放棄個包裹,銷毀就銷毀
反正exactly有咩嘢在包裹內,我已經記不起來
。。。。
心有不甘,雖然可以放下個包裹,但放不下啖氣
明明付了郵費(都付了五百大港元),我沒有得到應得的服務
最後查過網上追蹤,原來包裹在十二月已經到
但從沒有派遞?(我沒有收過任何通知)
反正最壞打算銷毀個包裹
就來個投訴吧!
給香港郵政反映了,Luca媽細個考會考時,最了得的英文投訴信
竟然,香港郵政有回覆,話會跟進調查
最後,還真是向法國郵政調查呢件事
法國郵政亦聯絡我問我有沒有收過任何關於呢個包裹的通知
。。。。
又搞了兩個月,香港郵政話法國郵政沒有派遞和打回頭
是因為"error"
為了compensate,我可以免費在香港取回個包裹
或者免費重新寄一次
就這樣。。。。在四月尾
包裹又重新上路
今次,Luca媽每隔一星期便追查進度
到上星期三,包裹終於到法國郵局
但又等了幾日無消息
今早(星期一)竟然還收到香港郵政的電郵
話包裹在法國郵局,叫我去拎?
郵局9點才開門,送完大豆返學回來再去
回家路上見到專派郵包的先生
他說會把我個包裹遲些送過來
~~~~~太好了!~~~~~
終於

紙箱都變得溶溶爛爛
兩套很重的床單被袋,其中一套已經洗乾淨tim!
還有好多新書
要銷毀它們,實在是太浪費。。。。
以後,還是寄貴價空郵,或者自己拎
(這個明顯是個別例子,但法國郵政,還是不太可信。。。。)


Monday, June 15, 2015

小豆三歲 - 24h du Mans 賽車

忙了一排,終於有時間返上嚟啦!
之前有朋自遠方來探我們
然後六月頭小豆三歲生日
上週末
爺爺嫲嫲過來慶祝


然後剛剛的週末
來個快閃去三小時車程的Le Mans探姑媽
順便睇賽車
Le Mans 24小時賽車原來已經第83屆
http://www.24h-lemans.com/live/en/ 

賽車在13號,星期六下午三點開始
賽足二十四小時
我們星期六早上十一點到
跟表妹玩完,晚飯後去了賽道的其中一段睇
原來要睇到賽車,不一定要去到場館
就算是沿途
都一定要買票
買了票,自己找張椅,想睇幾耐
想去邊到睇,都可以
當然要有好位置一定要趁早
好多人都在賽道旁露營


因為大小豆姑媽家距離賽道只有五分鐘
所以一整晚賽車聲都很吵
星期日一早起來
又出發去睇賽車
今次是賽車場館內

沿途好多靚跑車

買得七十幾萬歐羅車
當然提供埋酒店和shuttle




主入口



入到場內有很多不同攤位
似Fun Fair多啲


我們都要戴住耳塞,太吵呢


因為大小豆姑媽和男友都在Le Mans住和工作
所以每年都有機會睇到不同賽車
(有電單車賽,跑車賽,單車賽,連貨車賽都有)
有免費入場券,但上看台坐要另外收費
看台有Porsche看台,Audi看台,日產看台。。。。各有不同收費
我們很幸運,姑媽男友在Audi看台工作
所以免費睇左一陣






入維修站真係二十秒就返出嚟架!


捱不到三點賽事完畢
我們由十點睇到十二點
小朋友們都好乖
就返屋企食午飯
午飯後
趕在賽事完結鳥獸散前趕回巴黎