曼谷之行

仲有三日就出發去曼谷啦，最興奮查實係大王阿媽，因為大王老豆係去開工，而大王去邊都好玩，反而係大王阿媽去做spa，食Ｄ好野同掃貨的時間！！！
真係好期待呢！

大王的新朋友

搬屋後，除了生活環境改善了，大王還認識了比他大四個月的小姐姐Lily。
早上跟Lily在花園玩完，下午還一起去圖書館玩。
除了大王有新朋友外，大王阿媽都好慶幸新日本隣居咁nice!

大王好enjoy 新玩具：

女朋友Lily:

大王新居

終於在上星期搬好屋啦！
不過電話同上網都係剛剛有......D澳Ｘ人呢，工作效率又真係奇低！
新屋比舊屋就當然好好多，除了大Ｄ，靚Ｄ，舒服Ｄ，仲有多一個小ＢＢ隣居同大王玩，真開心！

大王的影碟機

自從大王識用自己的點心車行來行去之後，他的活動範圍和活動內容隨之而增加！
會開櫃門，玩電掣，玩焗爐，仲有一個新玩意，就係無插電源的影碟機。
公公婆婆及阿姨們，請注意，大王回歸，你們的影碟機有難！

好留心在玩的大王：

俾人發現左啦！

搬屋搬屋搬屋

呢個星期就搬屋啦，等了好耐呢！係呢度的時間之難過，度日如年，悶到發慌，唉！
公公又會話：你都知屋企好呢？梗係香港好，咩都有.......
我知呀公公，知道左好耐啦，在家千日好，香港美食天堂購物天堂。
無法啦，現在都要生活，唯有搬搬屋換下環境可能感覺會好小小呢？！
＊＊＊＊
都未開始執野，不過我們就愈來愈多野，話說呀大王的姨婆寄了兩大廂靚衫，鞋同沖涼液俾大王，仲有大王阿嫲在西南面西班牙接壤巴斯克地區玩，又寄了一大包來 - 嘩！！大王老豆同阿媽Ｄ衫加埋都唔及大王擁有的一半呀！！！

大王的新衣：

Fremantle 一日遊

風和日麗的周日，最理想就是外出走走，趕走城市的悶死氣。
今趟我們，去距離市中心大約二十分鐘的魚港＋港口Fremantle。
我們一直都很喜歡這個小城市，可能她有點歐洲風，有個特色的市集，有個熱鬧
的海鮮魚港，有個小沙灘，有很多不同的餐廳，珈琲室，商店......總之所有都比Perth有heart，有個性，有人氣。
＊＊＊＊＊
我們每次去Fremantle都會坐火車，大約二十分鐘(如多些人便可租車去）
到埗先醫肚，去我們最favourite的一檔fish&chips。
飯後就四圍行行，大王都好enjoy呀！

愛心熊 ３

上個星期網上買的愛心熊今日送到啦，喜出望外的白，仲有swarovski好名貴的水晶眼，好靚仔呀！
不過舅父，我都唔知點帶返嚟，可能要拆左個盒，否則個盒爛硬！

大王都好開心想搞下愛心熊

大王的二手車

大王暫時都係整定係二手車車主，佢所擁有的兩部靚車，都唔係全新一手，大王老豆同阿媽真好彩！
第一部係大王阿嫲屋企的，是阿嫲係市集二手檔買的，價值五歐羅。
第二部係大王個老友小丁玩完俾佢的.....

大王好enjoy揸車呀！

Ｅ起棚牙

自從大王有左上下各兩隻門牙之後，同親佢影相都係同一個樣
就係Ｅ起棚牙，好搞笑！

愛心熊 ２

趁着百貨公司Mid season sale,　就去睇下愛心熊有冇減價，可捧多隻俾舅父啦；點知，係冇。
唔緊要啦，如果舅父睇完下面兩張相，有咩心議熊仔，請揚聲；

＊＊＊＊＊＊

這些是小型愛心熊，好似隻手咁大！

大size愛心熊，有DVD

又去king's park

星期日，除了酒吧和海灘堆滿人，其次就是king's Park。
幸好我們所住的地方距離這個Perth地標不遠，徒步２０分鐘就到。
公園分好幾個部份，有兒童遊樂場，tennis courts,　花園(botanic garden),　bar 和一段行人徑;

Luca最愛﹣小型滑梯

天氣不錯！！

Perth的"迷人景色" - 怎都不及香港啦！！

怪~談~

話說，昨日整天都下着雨，我們整天都呆在家，上網聽香港電台的節目；晚上大王老豆下班回來，把real player關掉，我們看電視。

晚上八時三十分，大王要喝奶睡覺去，我們把電視都關掉，一家人入房準備睡覺。

半小時後，大王在自己的小床上睡着了。

晚上十時，大王大哭大叫，不肯再睡在自己的小床上。

那麼好的，就讓大王在我們床睡吧！把他放在睡上，一個轉身，就睡着了；我們都隨隨入睡。

濛瀧間，不知是什麼時候，聽到歌聲；怎麼會有歌聲？這麼夜還在把收音機放得這麼大聲，真沒公德。

一個女的在唱歌，然後是一個男的，自稱uncle ray ~

不對，他說話都沒有Aussie Accent, uncle ray不是香港的？

立刻走出來看看，真的是real player在播着香港電台節目；看看鐘，是00:03。

＊＊＊＊＊＊＊

發生咩事？！

＊＊＊＊＊＊＊

一向有公公珍傳七加一的我心知不妙，一直都"型"住這房子不對勁..........

算吧，多捱十多天就搬家~ha ~le~ lu~ ya 

愛心熊

講起愛心熊，就是大王舅舅小時候的小寶貝，粉紅色的小熊，忘了左還是右手臂有個洞，因為姑媽的某姑仔做玩具，所以我們就得到好幾隻不同的毛毛﹣晚晚陪住大王舅舅睡的小熊，一身口水味，最後因為太過髒而要坐牢，至今下落不明；可能會在我的床下底，今次回來找找！

＊＊＊＊＊

又巧合地個多月前在市中心Myer百貨找到愛心熊的蹤影，不過是新版好不可愛！

＊＊＊＊＊

今日就上網找找愛心熊，原來小熊熊今年已２５歲呢，白濛濛的愛心熊就一定好快會黑"mong-mong"要坐牢，大王舅舅都係唔好拆開佢呀！

新髮型

十個月的大王，就梗要有Ｄ待別搞作。

話說阿大王阿媽同老豆都成日形住大王Ｄ頭髮"吉"眼，唔可能捱到十二月，所以就成日都話要幫佢修修先返香港，咁前日就動手。

結果：

婆婆就話：

做咩剪到人地成個屎塔蓋咁？！好leung呀！

唔講都唔似，講開都幾似，可憐的大王啊！

怕你有牙的side effect

就這樣大王就展開了第十個月的小小人生，要證實小小大王真的大個仔，看看他「Ｅ」起掤牙好proud咁食面包超人餅就知。

不過，這美好的背後，就是大王老豆阿媽又無的瞓，除了一晚嘈好幾十次之外，今朝仲四點半就起身﹣大王阿媽心情差到極點累的要命但死狗咁努力試圖「暗」阿大王再瞓，好景不常，阿大王金精火眼，最後就出動美妙歌聲Pavarotti叔叔唔知唱左幾多首歌令大王再進入夢鄉。

十個月的第一天，是累極了！

十個月就這樣過去了.......

大王為左慶祝自己今日有十個月大，一早五點就起身；嘩！阿大王老豆當然嬲都震啦，大王阿媽就死狗咁，兩個死死地氣起身。

起身，食晨早餐，大王精力好充沛咁玩到８點半捱唔住要瞓返，唉！真攞膽！

今日大個仔，大王老豆就提議佢坐痰罐，哈哈，不過係痾左大先至坐呢！

大個仔，希望大王會瞓得好Ｄ啦！

自助餐

話說阿大王早在五個月的時候就要自己拎住自己支奶豬豬食，不過當時唔夠力成日一身濕；到依家有返咁上下份量，大王竟然拒絕自己拎奶樽！

好不容易“監”佢用左幾日，依家俾個奶樽佢都會識做遞起對手自己拎下：

呢個係睡前「撟」埋對腳﹣relax look

呢個係日間有型look......

歸家去！！！

返香港探公公婆婆和去法國探爺爺嫲嫲的機票都搞好啦，大王一家都好期待可以快Ｄ離開呢個地方！見市中心的百貨店已在售賣各聖𧩙裝飾用品，是否太早呢？大王老豆就話：「呢度Ｄ人冇野好做冇野慶祝，加埋買野有唔知幾多個月分期付款，付得嚟咪聖𧩙囉！」

anyway，諗起不用留在這兒過酷熱聖𧩙就開心到震！！

＊＊＊＊＊

這樣，捱多兩個多星期便搬屋，執好野settle down又出發去bkk,　其實好期待呢個trip，不過我們還是as usual的last minute至會知可行與否！

唔去bkk，可能又係KL又或是BJ？不用留在這兒便可！

＊＊＊＊＊

其實，大王一家最期待係可以去日本行返轉.........

＊＊＊＊＊

落足幾日雨都冇落過街......

大王遷都！

星期一去左睇個單位，沒有多想就決定要租。

其實大王一家都沒有很多選擇，要近大王老豆返工，要合budget，根本就no choice!

幸好個agent都好交帶，冇好似大部份人般愛理不理，打電話俾佢至小會覆！

這樣，大王十月第一個星期六就會遷都﹣後面街！

不過這個單位是沒有電梯的﹣阿大王老豆話：『意大利，法國....Ｄ apartments都係咁啦！」

好.....我無話可說....當keep fit做運動減肥囉，唔係點呀？！

希望阿大王真係有機會好快就遷都﹣去第二個城市啦！

怕你有牙！！！！

呢一篇怕你有牙查實星期一就應該出左，鬼知個yahoo話我要log in,咁log in左就成篇消失左！！！！

＊＊＊＊＊

話說好幾個月前，見阿丁丁小朋友日日都食住支牙仔餅，以為都幾好味就買左盒俾大王嘆下，誰不知呢支餅餅一Ｄ都唔好食，仲硬過鬼，有牙都食到變冇牙；再加上大王得阿公阿爺阿爸舅父珍傳，對食好講究，所以呢盒餅就成為左玩具，最後入埋垃圾筒！

不過不過，呢排見大王流口水流到周身濕，又周圍搵野咬，就再俾返呢條玩具餅佢玩下。第一日當睇唔到，第二日我地就發現餅有咬過的痕跡，第三日阿大王就公開地「食」呢條餅。不過都last左唔係好耐，呢幾日都冇點食，但前日早上就發現，大王上門牙左邊有新牙在長！！！

第五隻牙啦！

＊＊＊＊＊

蝦餃，燒賣

話說阿大王一家人都好鬼homesick,　成日都諗住Ｄ蝦餃燒賣，所以去KL的時候，就給大王買左部點心車，慰藉一下！

大王當然好喜愛推呢部點心車啦，日日都望住，唔推過都唔安樂！

今朝都不例外.....

懷念Pavarotti 叔叔....

＊＊＊＊＊

記得去年同一日，身在香港，fatboy舅父車我去睇醫生，on the way在車箱中，早上十點多，新聞報導Luciano Pavarotti 重病在醫院。

＊＊＊＊＊

睇完醫生，食過午飯，Pavarotti離世。

＊＊＊＊＊

依然很懷念他的歌聲，暫時都未有一位歌唱家有他的水準；

相信，他和他的歌聲，都會永恆留在每個歌迷的心中！

＊＊＊＊＊

最愛他所唱的：o sole mio

Che bella cosa na jurnata 'e sole,
n'aria serena doppo na tempesta!
Pe' ll'aria fresca pare già na festa...
Che bella cosa na jurnata 'e sole.

Ma n'atu sole
cchiù bello, oje ne'.
O sole mio
sta 'nfronte a te!
O sole
O sole mio
sta 'nfronte a te!
sta 'nfronte a te!

Quanno fa notte e 'o sole se ne scenne,
me vene quase 'na malincunia;
sotto 'a fenesta toia restarria
quanno fa notte e 'o sole se ne scenne.

Ma n'atu sole
cchiù bello, oje ne'.
O sole mio
sta 'nfronte a te!
O sole
O sole mio
sta 'nfronte a te!
sta 'nfronte a te!

English Translation

What a wonderful thing a sunny day
The serene air after a thunderstorm
The fresh air, and a party is already going on…
What a wonderful thing a sunny day.

But another sun,
that’s brighter still
It’s my own sun
that’s in your face!
The sun, my own sun
It’s in your face!
It’s in your face!

When night comes and the sun has gone down,
I start feeling blue;
I’d stay below your window
When night comes and the sun has gone down.

But another sun,
that’s brighter still
It’s my own sun
that’s in your face!
The sun, my own sun
It’s in your face!
It’s in your face!

好不容易捱到Happy Friday, 可是.....

盼望着大王安睡的來臨，由努力去營造，再抱着希望，到現在再不敢去想！

今早突然覺得前路茫茫，充滿壓力。

可能是太太長時間的睡眠不充，還有前所未有這樣「瞓矮頸」的疼，加上大王扭計不聽話，夠啦......

由知道要去埃及那天起（2006年吧），我都覺得自己一日比一日「捱得」，

活在陌生的環境，生活上時刻要保持警覺，還要隨時要搬去另一個地方，適應不同文化，飲食，起居習慣....

加上要照顧大王，

心靈上，身體上可接受的，可支持的，比想像多。

這一刻，真是很想休息，請一日病假，停下來，靜一靜。

可是，不可以......

還得要撑下去！

有覺好瞓

捱左兩個星期，呢兩晚終於有覺好瞓，大王一覺瞓到三點幾，琴晚更瞓到今朝五點，真乖，不枉我努力試圖改改佢的schedule!

希望一直都會咁好表現啦！

Luca 大王人生踏入第九個月！

大王的小小人生踏入第九個月啦，　所以佢琴晚又唔瞓去慶祝！

唉，真係唔知佢幾時先會一覺瞓到大天光呢？

呢樣野有＄都買唔到，好luxury!

希望佢又大個仔左Ｄ，會乖乖地啦。

毛毛雨的今日，原本話同丁太去唐人街買餸，但丁小朋友琴晚又係冇咩點瞓，所以今日大家都冇街去！

Luca @ KL in front of KLCC

吉隆玻﹣遊樂備忘

七個月大的大王第一次去吉隆玻，基本上飲食各方面都沒有問題！

雙子塔有兩所超市﹣位於地庫的Cold Storage和三樓的Isetan依勢單。

Pavilion地庫有間新的叫Mercanto，但Ｄ野幾貴, Parkson有BB部。

行遠ＤＤ的Lot 10有Isetan超市，但冇咩野賣，可以唔去。

*****

要找nappy有日本Unicharm的BabyPoko,　咩碼都有，我相信同香港水貨一樣，made in thailand, 而且價錢平。另外有huggies同香港的一樣，本人prefer Unicharm因為有winnie the pooh，有時地庫間Guardian, 或二樓Parkson BB部可能會有discount。

*****

Baby wipes

用開Johnsons ＢＢ 的周圍都有，其他牌子made in china唔識無用過。

Parkson ＢＢ　部有Pigeon。

*****

Baby bottle cleanser and clothes washing liquid

都係Parkson BB部的Pigeon專櫃有齊，十分好彩買到細size,　出trip 好用！

esp 唔太可能㷛奶樽，用酒店個水㷛㷛好水沖下洗好的樽就算。

*****

嬰兒食品

本身帶定奶粉費事又轉，否則香港大部份牌子都有，eg A+, Nestle, ...我都唔係好知太多香港奶粉。

Isetan有旅行裝wakodo 奶粉，仲有好多粥仔飯仔！

其他Baby food如亨氏，Gerber, 仲有隻叫organic baby 或Nestle range的糊仔都好齊。

水方面，有無限量Evian飲，價錢同香港一樣，好ＯＫ！

*****

去街呢，其實公共交通都確實係問題，出入都一定要打的，BB車係無咩可能搭到車！推出街都唔太易，因為車唔讓又好多梯級，好彩馬拉人都好好心幫忙！

至於changing room方面都唔係問題，我覺得新mall比香港的做得更完善，雙子塔都唔駛講，每層female toilet都有changing area(唔只係塊板),　更有一間特大可推埋ＢＢ車入去，仲有個小朋友toilet。

而地庫在toy r us 對面有個特大changing room。

而Pavilion呢，可能因為面積大，所以走來走去搵左一陣至搵到，係individual房，所以有時要等，不過Ｄ人都好好，我地開門見到有對couple,咁梗係唔好意思關返門，一分鐘到，佢地出來同我地講唔好意思，俾我地入，而佢地就在門口執返好佢地ＤＢＢ野，anyway changing room都係層層有，好方便,　只係我地懶再行去搵！

（記得六月返香港時，去左沙田市中心一次，過經之麻，令我再不敢去呢個地方，話說周日很多人，要排隊等換nappy，排左近半個鐘，唔好以為我等好多個，我只係等一個肥婆，出來時仲好似大晒咁！） 

King's Park 遊樂

趁住咁好陽光，食左lunch，就出動去king's Park走走。

都預左會有好多好多人，所以我地咩picnic用品都冇帶，志在走個圈就算！

行大約十五分鐘，我地就到達king's Park的兒童遊樂場，大王好似記得佢上個星期嚟過，見到佢坐過的戰機同消防車就好興奮！

今次實在太多小朋友，唔好話好似上次咁可以坐司機位影相，連想掂下呢架車都唔易，好啦，咁就去另外一邊專係俾baby玩的area;　點知都係好多小朋友，多都唔打緊，咪排隊玩囉！點知呢度Ｄ細路同大人一樣咁粗魯無禮貌，你推我不讓咁；唉！算，都係走人啦，都係weekdays時同丁太一齊來。

大王生病了！

捱了五天，終於捱到周未！

可憐的大王又發燒，又流鼻水，又咳，唉！

不過佢都依舊精力充沛，看得出他是累的，但笑容不減，真是恩惠。

今日大清早食過大份早餐後，就衝去意大利食品超市買野，再掃去唐人街肉店菜檔；鬼咩，十二點過後唔係關門大吉就賣晒Ｄ野，唔早Ｄ就要等到下星期！

好掛住香港的美食，IFC，city super.......

香港真係咩都有！

大王唔瞓覺

已經好多晚，大王沒有好好地，一覺瞓到大天光！

要更正，他自出娘胎，都好似只有十隻手指數得出幾多次 one shot 瞓多過六個鐘！

好辛苦好鬼累，搞到我心情好差好想返屋企。

唉，仲有好幾個月捱呢！

又返黎呢個鬼地方！

經過兩個鐘delayed,昨日四點半又返到呢個鬼地方！
今朝一早就不停地執野，洗野，呢個trip真係好happy,連大王都好enjoy!日日有街去，又有好野食，又多人同佢玩，又多野睇，係就係熱左ＤＤ，不過我地都唔係成日在室外啦！
今朝又同左公公婆婆報平安，哈哈，多得婆婆的好消息，Luca大王可以confirm十一月尾返香港啦！！
等我快Ｄbook機票先！

向ＫＬ出發

其實仲未執好野，不過諗到可以去KL買野就好興奮啦！
希望買到Ｄ又平又靚的玩具，ＢＢ野食，diapers....都係幫大王入貨。
講真，去過ＫＬ一次，覺得好悶冇野玩（查實因上次係出trip呢）今次真係去玩下（不過都只係我同大王玩，豬先生係出trip的）
哈哈，總之可以離開一下呢個鬼地方已好開心！

好好天的一日！

真係天氣好，　心情都唔同Ｄ！
趁咁好天就梗係同大王出去行行啦！咁我地就同埋豬先生（大王阿爸）個同事個太太﹣阿丁太和丁小朋友一齊去超市買野，之後就去公園玩。
去公園，查實都係等呀１４個月大的丁小朋友走動下；Luca大王每次見到阿小丁丁行來行去都好興奮，又好羨慕，自己不停"un"，哈哈哈！
好啦，都係快Ｄ去執野，大王明晚出發，去今年的第四個trip啦，係最短的，只有五個鐘機！

雨濛濛的星期三

本來今朝心情唔錯，一早叫Luca舅父幫個忙去買返個NDS火牛寄過黎，點知，十一點幾就開始落大雨，落到依家！
呢個真係咩鬼地方，琴日整到個火牛無神神銷左，用左咁耐都好地地，今年第一次"差"電就搞成咁，唔通做左阿媽唔打得機？
唉，呢個鬼地方，好彩琴日去買左奶粉，otherwise Luca大王今日就冇奶豬豬食啦！

Luca大王遊樂誌開幕啦！

Luca大王踏入他人生的第八個月啦！
而我們"添福"一家呆在呢個古怪國度都有七個月了！
呢七個月在庸懶樹熊國的日子，生活係簡單，寧靜，亦即係悶，悶指數101%!
我們現居樹熊國西部首府，在盼望那"執包服"的一天！

巴黎閒盪

上年的同一段時間，Luca大王在肚中暢泳，我們一齊遊樂巴黎。
有幾編巴黎一日閒盪遊，有val d'europe 的La Vallee factory outlet和Kookai outlet 資料，大家可look look　：　http://hmwpenny.spaces.live.com/
巴黎閒盪編。
叫人懷念的巴黎啊！