Sunday, September 13, 2015

又回歸啦!

各位親愛的博友好嗎?
希望大家都好!
暑假玩完,兩豆都開學了
Luca媽終於又回歸。。。。。

開學已經兩星期了
大豆升三年級
小豆都開始返幼稚園低B班
原來打算頭幾個月俾小豆返半日學慢慢適應
點知,第一日中午放學時已經唔肯返屋企
所以,第二日開始已經返全日了。。。。呵呵呵!


有八年沒有獨處的Luca媽
當然非常開心,終於有返自己的時間
。。。。。
至於大豆呢隻小學雞呢
今年的班主任是位男老師
希望會有另一種教學方法
令容易悶和易分心的大豆學得開心啲
暫時功課不多(對香港小朋友來講更加係無)
有時間可以讀英文
和學柔道呢



33 comments:

  1. 歡迎回歸^.*
    2粒豆爺返左學, 你重新擁有私人時間, 係咪覺得超爽呢....盡情享受啦 !!
    小豆之前睇你既描寫, 都知佢係個好有好奇心同合群既豆丁, 有新環境又有咁多盆友仔同玩具玩, 佢直情想寄宿添啦:))可能係你唔多捨得就真...

    ReplyDelete
    Replies
    1. 多謝豆豆!
      係呀,突然耳根清靜,初時都唔係好慣,不過他們返左學的時間,又好似過得特別快咁(或者,係我對住部衣車,感覺不到時候流逝)
      我都好開心,小豆很喜歡幾位老師,仲已經叫得出她們的名字(呢度幼稚園老師都好得意,在香港我們會叫,陳老師,張老師,在呢度,小朋友都叫老師個名,好似今朝我叫小豆叫老師早晨,佢就"Bonjour Isabelle" , 我唔可以跟佢咁叫呢。。。。)

      Delete
  2. 通常上課易悶個D小朋友都係因為已經識哂, 唔想聽個D黎架

    ReplyDelete
    Replies
    1. 多謝你們的美言,不過大豆真係好易分心,我都好希望佢悶係因為識晒呢

      Delete
  3. 第一日中午放學時已經唔肯返屋企>>>你有福了!!

    ReplyDelete
    Replies
    1. 唉,返全日要俾八歐午餐費。。。。所以才打算帶佢回家吃飯

      Delete
  4. 毛毛和保保明天也開始學柔道!

    ReplyDelete
  5. Hello, 你好呀!

    我有一問題很唐突想問你,因我時常忐忑關於該否返大陸長住的問題,見你移民及在多國都住過,很想知你如何適應及面對文化差異,期待你的回覆, Thanks!

    ReplyDelete
    Replies
    1. 你好Pretty 太太,
      不唐突呢,有好多朋友都有問過你問的問題。
      大前提是,你搬返大陸長住,是跟家人一起嗎?如果係的話,已經給你最大動力。
      其實搬返大陸,語言對你來說已經不是問題,能夠跟當地人溝通的話,日常生活好多問題都容易解決。
      我自己適應和面對文化差異的方法,就是做自己,接受別人跟自己不同。再去學習/了解他們的文化。
      但不要強行改變自己去融入當地文化,自己一定會不開心。
      希望你都能夠享受新的生活啦!

      Delete
    2. 好多謝你的回覆呀! 很感動呢! 因我曾網上向一些移民了去外國的香港人發問, 但他們都不願意回覆, 實在很多謝你的回覆呀!

      Delete
    3. 我返大陸是無人無物的,言語上對我來說是很大的困難,我最初完全不懂說普通話的。我也不是第一次返大陸買樓,十多年前曾上試過,但當時返大陸買樓的人全是香港人,再加上,當時香港人的地位高,當地人會遷就我們,所以溝通上無問題。

      Delete
    4. 但,我很矛盾的是,論居住環境,大陸比香港好1萬倍。但論消費,現時國內有些物價還比香港好。唯一吸引是樓價平宜,居住環境在香港是恨一世也不能擁有的。

      我十五十六是否趁現時香港樓價升得癫,是時候應該賣樓走人返大陸長住呢?

      但,若選擇了這路後,怕日後若香港樓價再升,我是斷了香港這條根,不能再返回香港的。

      但,不賣,賺不盡,最近都說香港樓價會下跌呢!

      Delete
    5. 我留了很多言給你, 有些好似不見了? 不過相信你都能看見的, 我很想你給我一點意見, 謝謝你呀!

      Delete
    6. 還有很想問你,會否因你外子是當地人,會令你較易適應到? 因我跟PRETTY先生都是土生土長的香港人,返大陸那兒既不是自己的鄉下,更是孤兒仔女,無人無物,不知會否因此自己的心魔作祟,令自己更難溶入呢?

      Delete
    7. 你好嗎?
      其實香港的居住環境真係不理想,但另一方面香港是我們的根,我們沒有選擇。我很敬佩有好多朋友,能夠放棄香港的家人和工作,去第二個國家居住。但退休又另計。
      我有位好朋友的父母,在潮州買了間屋退休,閒時種下花,養下狗,正如你所講,生活比香港好萬倍。但他們沒有完全放棄香港的一切,閒時都會返香港住。
      如果你和你先生,在國內都有發展的機會,當然沒有考慮的餘地,一定會去,我都有些舊同學在北京上海發展得好好,沒有再想過回港。
      至於我自己呢,還是第一次在法國真正居住。而且法國都好大,我先生是西北部人,跟巴黎人的文化都很不同,只是語言上方便些,其他生活一切,例如簽證,文件上的事,都好似去了個新國家一樣,重新適應。
      其實,要講融入,我覺得未必可行。就算我自己在法國生活,我只能講自己習慣當地生活,就算我覺得自己融入了,可能當地人都沒有想過融入我。
      所以,還是不好去考究,只要自己生活開心,適應,習慣就好。
      你們有沒有短期住在內地試下?

      Delete
    8. 唉, 我不是第一次在國內置業的, 第一次在2003年, 當時全屋苑買的都是香港人, 我也曾連續住上半年, 後賣樓返港. 但當時因接觸全是香港人是沒問題, 但現在, 香港人返去置業的人少, 住的都是外省而來的人, 他們通常都不會學白話(即廣東話), 所以迫住我完全不懂普通話, 現都基本能應付. 很多更是原是農民, 那你已能想像到, 你能跟他們如何相處!
      所以現在我很多時回去住數天, 其實住一天已很想走人. 但PRETTY先生不肯, 因他難得的假期, 他當然不想白白浪費.
      我們是徹底回去退休的, 沒工作, 所以很矛盾, 若趁現時香港樓價高, 賣掉作老來生活費, 但怕這一舉動會完全斷根.

      Delete
    9. 有時很煩惱的, 怕若索性賣樓走人, 真斷了根, 怕回不了香港, 兩邊走當然沒問題. 但, 我有點貪心, 真的見此刻的香港樓價升得太高了, 很想賺了它袋入袋. 但又卻擔心賣了, 若再升, 追不回, 真的以後再返不了香港.

      所以我很佩服那個業主, 他說他都會回香港, 但只限即日來回, 因香港無地方住, 但他太太卻會去她姐姐家住一晚, 翌日回大陸.

      所以我在想, 他自己蜜月期很開心此刻的斷根決定, 但似乎太太仍眷戀香港. 所以我不想貿然下錯決定. 真煩.

      Delete
    10. 有時, 很羨慕那些大陸新移民的女人來到香港, 拿盡香港福利, 她們就能留低在香港, 但我們卻好似要放棄一切, 回去一個完全無保障的地方居住? 所以實在很煩, 很煩.

      Delete
    11. 我明白你的心情很矛盾呢,其實你個心,不是真的想上去住,是嗎?
      其實上面的環境,你們都認識。我會覺得,作長遠退休打算,你個心,就不能夠貪心,要安份地住下來。
      你覺得對嗎?
      如果常常如自己回去香港的藉口,那倒不如不離開。
      既然現在自己是有選擇,不如好好靜靜坐下來,列出香港住的好壞,和上去住的好壞,細心參詳。
      現在不是賣樓好難嗎?

      Delete
  6. just because he is clever that's why he feels bored

    ReplyDelete
    Replies
    1. 希望啦,佢好多時都係發夢,dans la lune

      Delete
  7. 大豆依家啲法文係咪已經叻叻聲?
    小豆係咪識咗好多新朋友仔,玩到唔肯走

    ReplyDelete
    Replies
    1. 大豆的法文ok啦,英文就差左好多了!
      小豆好開心返學,一入課室就唔見左人

      Delete
  8. 兩豆齊齊返學,你可以多D自己空間LU。

    ReplyDelete
    Replies
    1. 係呀,沒有藉口話無時間,依家有好多嘢都要做

      Delete
  9. 小豆玩咩野尼架?每行排唔同顏色?

    ReplyDelete
    Replies
    1. 佢玩那盒好似mastermind咁好多膠粒,細細粒砌在版上面整圖案

      Delete
  10. 見到佢兩個咁開心返學就好, 你有me time 可以做自己鐘意嘅嘢 ! Yeah

    ReplyDelete