太婆的奇遇

前兩日收到兩豆姨婆寄來的信

拆開，

竟然是法國國家足球隊教練和副教練的簽名名信片

。。。。。

事源某一晚零晨三點

在法國西北部某老人院內

兩豆太婆在熟睡之際，有人開門拍醒她。。。。

原來是另一位婆婆，就稱呼她婆婆A

婆婆A半夜三點迷路了

唔知自己去左邊

就是但入了一間房

正好是兩豆太婆間房，把她叫醒了

請求她帶自己返自己間房

＊＊法國老人院房間都有獨立洗手間和小廚房

        所以半夜尿尿或者肚餓都不用出房

。。。。。

半夜三更，濛濛瀧瀧，92歲的兩豆太婆

又點會有本事帶到婆婆A返去佢自己間房

所以，兩豆太婆就邀請婆婆A坐低飲啖水，傾下計

唔知兩位女士傾咩

因為半夜凍，傾傾下，兩個一齊在床上蓋住被，慢慢傾

。。。。。

傾到唔知幾多點

有護士巡房發現兩個妹妹半夜三更傾得咁開心唔瞓覺

了解件事後，便帶婆婆A返去

第二日，護士把事情告訴兩豆麻麻和姨婆聽

同時收到婆婆A的兒子打電話來道謝。

原來

婆婆A的兒子，就是法國國家足球隊的副教練來

而呢位副教練，兩豆阿爺曾經跟他做過隊友

（兩豆阿爺曾經好威，年青時在法國西北部其中一支勁旅Guingamp足球隊踢過，可惜因為交通意外，左眼失明，不能再踢，否則可能做左球星呢。。。）

所以副教練為左多謝太婆咁照顧婆婆A

就送左幾張簽名名信片給兩豆

還有張有齊全隊足球隊的簽名海報呢！

不過大豆話，佢一個球員都唔識

只係識巴黎聖日門隊的外藉球員Zlatan Ibrahimovic，哈哈哈！