Saturday, February 2, 2013

奶粉荒?!

大家不用擔心
不是強國人搶奶粉搶到來拜疆國
昨日睇BBC World,驚見他們報導香港奶粉荒
自覺十萬個羞恥
這樣的事竟然可以發生在香港
身為香港人,被太太朋友問起
真係唔知點答

Luca爸即時評論
“政府不能限制那些水貨客/強國人買的數量嗎?”
說實話
強國人來港不只是買奶粉
今日政府限制了奶粉
明日水貨客/強國人搶衛生巾,洗衣粉,豉油,蠔油。。。。。
那政府又要每樣貨品去限制出口?
上次回港
只覺香港沒有一個地方
沒有強國豉油行

我覺得
最徹底的方法
不是去好好限制強國人入境數量嗎?

每日睇香港的新聞
真係睇到心酸

還是回來沒有豉油行的巴庫
不好意思
我家都有十四罐奶粉。。。。。。


是十四罐小奶粉
Matheo平均一星期要飲兩罐半
所以這些只夠個多月

拜疆跟以前薩哈林一樣,奶粉只有小罐
因為奶粉還不是太普及

而且
奶粉入口十分不穩定
試過搵足十間藥房
他們異口同聲話depot沒有貨
亦不知道何時會有

大家見相中有1號有2號
因為上星期去補倉時
2號只有幾罐
唯有買定1號
可以等到月尾才去補倉



15 comments:

  1. 其實日日睇HK's news, 都幾心up, 一日到黑就是大陸自由行同HK人鬧來鬧去,政府又無能,救膽死一個啇場同一層10 間金行,本地人又無權反對,真心痛HK 變成咁!
    [版主回覆02/05/2013 15:17:38]係呀,小商店無力立足,大財團獨市,呢個唔係自由市場囉

    ReplyDelete
  2. 香港人宜家真係好慘..我日日睇2份報紙,真係好激氣架.
    我地宜家唯一希望四張前走到.
    [版主回覆02/07/2013 16:28:39]London生活好貴呀,其實你講的地方都唔錯
    德國同瑞士都係好選擇!
    [咖啡奶茶精回覆02/05/2013 15:54:08]想搬去德國,Zurich or Melbourne. 不過ET公司其實最易去London
    今年都可能要出trip London,不過唔firm
    [版主回覆02/05/2013 15:16:12]你地想去搬邊呀?你上次話澳洲.....

    ReplyDelete
  3. 限制出口都唔係辦法..
    [版主回覆02/05/2013 15:15:20]第日可能好多貨品都要限制出口

    ReplyDelete
  4. 搞到今時今日咁既局面, 都好難收拾...真係冇野好講.
    [版主回覆02/05/2013 15:14:50]我們在外地見到香港搞成咁,係真係好心痛

    ReplyDelete
  5. 你嗰邊買奶粉都咁唔穩定,真喺都要見有貨就要入定啲存貨喎﹗
    [版主回覆02/05/2013 15:14:09]係呀,飲剩兩星期量我又會去再買,買咩牌子都冇所謂,不過冇貨時係所有牌子都冇架.....

    ReplyDelete
  6. 唉, 我都有同感。 雖然Nathan係人奶仔, 但見到身邊個個朋友都係到鬧政府, 鬧水貨客, 鬧鬧鬧, 見到佢地小朋友好似就黎無奶飲, 好心up。 而家港人啲怨氣就黎去到一發不可收拾嘅地步啦
    [版主回覆02/05/2013 15:13:03]係呀,唔知香港人可以忍到幾時又再上街

    ReplyDelete
  7. 仲有搶金莎朱古力,維他檸檬茶和益力多, 你話港人有咩辦法唔angry 啦。
    [版主回覆02/04/2013 14:57:58]今年媽媽都話年貨又貴又難買,周圍都係豉油行

    ReplyDelete
  8. 嗰邊奶粉唔普及? 咁佢哋淨係餵人奶?
    [版主回覆02/05/2013 13:29:22]係呀,之前在俄國都係,特別是老一輩的,接受不到餵奶粉

    ReplyDelete
  9. 香港話係自由港呀,商店要做生意,靠他們自律不賣給水貨客很難,而且不少走水貨的是香港人呢……不過真係搶到連外國都叫中國人go back to china,真係好羞家……
    [版主回覆02/05/2013 13:31:58]呢兩日BBC仲專題報導呀,你話係咪肉酸!
    最終受惠的,其實是奶粉商,做咩佢地唔直接在大陸賣?!搵個代理去大陸賣,唔會搞到咁

    ReplyDelete
  10. about Hong Kong. I think there are too many dilemmas. Hong Kong needs china, otherwise, hong kong will have no food, no water, no business. And Hong Kong is famous for being a free port. So, if the government starts restricting tourists, purchases etc, then hong kong will become a communist city. On the other hand, the chinese mainlanders are becoming a problem to Hong kong. I guess hong kong is just becoming part of china now (there is no one country two system). So, the chinese mainlanders think they are part of hong kong (which = china). Just my opinion.
    [版主回覆02/05/2013 13:33:26]很同意!!加上經濟差,貧富懸殊,唔知香港的前景會係點

    ReplyDelete
  11. 現在連奇異国都有大陸人狂買、攪到D milk powder流通量出問題!
    都係奇異国政府好野、当年既「三罪清安」係由奇異国政府篤爆既!
    現在当然唔会対無良既大陸人手柔lah!
    U家小朋友要食peko chan lah ;)
    [版主回覆02/06/2013 00:37:24]好彩我地呢度大陸嘢甚至亞洲嘢都好有限。。。。
    [倭国団長回覆02/05/2013 22:28:34]蝗虫大軍当然全世界侵略lah..
    比細路仔食既野、見到大陸製既野免得過就免lah, 最緊要安心ah!
    [版主回覆02/05/2013 13:37:06]聽新聞話D大陸人搶到去德國,加拿大呀,真係好似蝗蟲咁!
    Peko chan係我favorite character呀,哈哈哈!不過Luca都好鍾意食
    見過香港有大陸做的peko chan,好恐怖,買的時候都要小心

    ReplyDelete
  12. 噢, 你都要去撲奶粉嗎?
    香港人真係好無奈, 政府完全唔會幫我地, 佢唔踩多腳已經好好
    [版主回覆02/06/2013 00:35:45]係呀,都要周圍去搵奶粉,不過唔洗同人爭,只係供應不穩定

    ReplyDelete
  13. il mare설아@韓國February 6, 2013 at 4:52 AM

    唉...我也留意到香港的新聞...我都覺得這個情況真係很醜....
    [版主回覆02/07/2013 16:29:10]醜C人啦。。。。咁少事鬧到咁大

    ReplyDelete
  14. 其實可恥係佢哋自己國家, 自己人民相唔過自己出產物, 入面唔係冇得賣, 係太多無良出產商, 而且太多假貨, 政府d貪官包庇縱容先攪成咁, 你睇人哋日本, 韓國, 美國人幾愛自己國貨.
    [版主回覆02/14/2013 16:32:44]自己人害自己人,真係好無良心,好恐怖
    有時我會覺得大陸人都幾慘,但十幾億人,香港餵不來呀

    ReplyDelete
  15. 唔興飲奶粉所以缺貨,係咪你嗰邊D女人結婚後多數唔返工,所以先可以有咁多條件許可做全人奶媽?你會一歲後轉飲鮮奶嗎?好似歐洲D醫生好多都叫人一歲後可以改飲鮮奶。
    [版主回覆02/14/2013 16:31:16]其實可能因為呢度係回教國家,所以女人多數留在家,加上呢度唔流行開刀生BB,只有一切最天然最自然最唔駛錢或最唔需要技術。。。所以買奶粉真係要搵,有朋友在多哈住過,話那邊BB都係飲奶粉同開刀出世,所以又跟回教沒有關係,係經濟原因。。。
    這兒的鮮奶品質都係一個問題,所以如果BB仲會飲奶的話,應該會飲奶粉

    ReplyDelete