Luca成為了細路﹣激C人事件薄

回到了寧靜到不得了的薩哈林

要Luca從忙碌的假期生活調節回寧靜

真係吃力

（當然Luca媽都好不容易調回這樣閑適的生活）

Luca除了掛住在薩哈林家中的玩具之外

他的心，根本不在這裏

每次我們叫的士去City Mall (本市最大商場）

他都以為我們是要去機場

在車上不停說：「坐飛機，去Hong Kong」

然後我話：「你都未買機票，唔可以上機架」

他說：「買左機票，坐飛機，去Hong Kong」

我說：「你都未買機票，你有冇錢呀？」

他說：「冇買機票，冇錢錢......」

然後喊住......「去坐飛機，去坐飛機......」

其他太太都笑，連Luca都不想留在這兒

＊＊＊＊＊

近期，忙着Luca的厠所訓練

假期之前都試過要他上厠所

可是，最後都是一個早上濕七條褲仔

回來之後多得Luca的好朋友東東和柚月

Luca因為見到他們兩個都住在馬桶上

最後都心動

不過他始終沒有坐在馬桶或Potty上

只是在杯中小便而已

而且，不是時常成功

好多時他都會因為忙住玩而忘記了

Luca媽有時都有平心靜氣

但好多時耐性都燒盡了

生氣地說：「你記唔記得媽媽叫你pipi前要話俾媽媽知，記唔記得？」

Luca說：「唔記得！」

我再說：「咁你知唔知道要話俾媽媽知？」

Luca說：「唔知道！」

怒火燒至極點：「咁你明唔明白要話俾媽媽知？」

Luca說：「唔明白！」

最後，爆炸了：「你唔記得，唔知道要話俾媽媽聽你要pipi呢，咁就冇糖糖食！」

Luca大喊......「食糖糖，食糖糖」

強行心平氣和的Luca媽說：「好啦，你要食糖糖，咁pipi之前要點呀？」

Luca答：「要話俾媽媽聽，要pipi」

＊＊＊＊＊