聖誕節，我們會盡量安排返法國渡過
因為在法國的家人，年紀都很大
加上聖誕是大節日，又凍
讓我們返去沖喜沖喜
為年紀大的家人們作個鼓勵
一同過節
冬至晚，在香港跟家人們慶祝過後
便踏上沉重的十三小時旅程
（沉重是因為，跟Luca一起的旅程，真的很辛苦，
而且，到達巴黎後，還要等四小時轉機，真係十萬個辛苦）
幸好這次，一上機Luca就睡了
到起身時都差不多早餐時間（兩小時降落）
回老家過節，小孩們一定是最興奮
爺爺嫲嫲都一早就給兩個小孫兒買好禮物
禮物真是很多，大部份都是玩具
太大的都帶不走
這個車唯有在法國時才玩了
大的"機機"都有兩部，我們只帶了一部
最開心的，其實是見到Luca的表妹Nina
可憐的Nina在幼兒園給一個１８個月大的男孩咬傷了面珠
真係睇見都心痛！
這兩個星期，Luca都沒有機會外出走走
只是我們兩個偷得浮生，趁沒有下雨的一個周日去海灘走走
這是Bretagne出名的Perros Guirec
有Casino, 有SPA resort
仲有難得的合照........
我們的活動僅此而已
還有臨走前到超市買手信
其他的時間都只是食和瞓
希望下一次，會較為充實啦！
新年食Galette de roi
Luca沒有食，但不用說他當然是Le roi! (皇帝）
法國的聖誕大餐，會有生蠔，鵝肝，火鷄，木頭旦糕
我們幸運離海不遠
新鮮海鮮不絕！
不過聖誕期間的蠔都比較瘦
（阿爺話因為漁夫提早把蠔交到魚販
沒有即捉即賣的新鮮）
幸好臨走前食到新鮮肥蠔
把檸檬汁滴在蠔上，會見小蠔子收縮（呵呵呵呵，有點恐怖吧！）
這樣就兩個星期，都唔知做左咩
好似咩都沒有做就返嚟
踏入香港機場時
看見很多巴黎回來的旅客一袋二袋shopping bags
想想，我們都從未試過在法國shopping
真羨慕啊！
好靚呀沙灘及生蠔....,我都好想再去一次吧!!!!
ReplyDelete[版主回覆01/14/2010 12:04:00]夏天你地同唔同我地一齊去？
LUCA仔收很多禮物呀～～様様都想帶回家呢。 那金髮女郎是否你奶奶大人，好靚的金髮呀！羨慕。 你們的合照好襯！
ReplyDelete[版主回覆01/14/2010 12:03:00]係呀，那金髮女郎正是我家奶奶大人，她年輕時好鬼靚架！！ Luca仔真好彩，成日都好多禮物，我地大包細包一袋二袋，打開都係佢的！！！
難得可以 relax 下乜都唔做, 都唔錯呀! 你地好多好多禮物呀!!! 你地好多人一起慶祝 ?
ReplyDelete[版主回覆01/14/2010 11:58:00]係呀，兩個星期只係食同瞓，不過，咁遠水路嚟到又咩都唔做，好似好浪費咁 我地一共有８個大人同埋兩個細路 大堆禮物都係呢兩個細路的禮物呢！
你記唔記得某年xmas, 我們在你家食Galette de roi, 當時的皇帝是誰呢??
ReplyDelete[版主回覆01/14/2010 11:56:00]記得！ 那年的皇帝係soman呀，佢食到批入面個公仔 唔知幾時，我地又有機會搞聖誕party呢？
呀 WA WA
ReplyDelete唔駛做家務，實在太好啦！我都想呀！
ReplyDelete[版主回覆01/15/2010 13:50:00]咁你呢兩個月又係忙Ｄ吧！幾時會抖下呀？
買大件禮物一定搬不走 為什麼不買小形一點喲 最後也可食到大隻蠔 Bravo !
ReplyDelete[版主回覆01/15/2010 13:49:00]可能佢地覺得細微細眼無睇頭？ 我提議過叫佢地買下Lego,咪唔太重又易拎，不過無人聽 還有一大個廚房沒有上鏡呀！ 對於我來講，食到蠔，海鮮，是這trip最欣慰的！
唔好意思 我真係想問 你如何令Luca搭長途機一直瞓呢? 因為我遲些可能又要同小朋友由法國返HK 但之前經驗試過小朋友極扭計 又瞓唔到 仲喊到嘔晒 超難搞
ReplyDelete[版主回覆06/02/2010 12:21:00]我通常在要出發前一個月，話俾Luca知我地好快又要出發 可能他是男仔，所以他知道後會好開心 然後日日重復話佢知，在機上要乖，要聽媽媽話，唔好扭計....... （他聽到可以重復我講） 然後帶定佢最鍾意的一件玩具，一齊上機 有時佢悶唔肯瞓都要在機上行下 放下音樂，帶定筆，紙畫下公仔 不過最緊要係我地坐夜機去法國，所以一上機好快就要瞓 坐過日頭機，真係好難捱
謝謝你的心得
ReplyDelete不過會唔會Luca的外出經驗多了 所以較容易適應'機上生活'呢? 我細囡連佢家姐張床都唔肯瞓 陌生環境往往睡不好 而小朋友倦又瞓唔到就特別易勁扭計囉 都係鄉下妹嘅問題吧
你奶奶件外套同我奶奶件好似呀, 佢兩個唔知係咪識嘅呢?
ReplyDelete