巴黎十三區

大家唔好誤會

大小豆媽不是購物狂呀

只係咁巧合今日大小豆老豆有日補假

我原本想單拖出去買餸

不過佢咁大個仔都未去過巴黎的唐人街見識

所以咪湊埋佢兩個去威（大豆返左學呢！）

我們家跟十三區的距離只係十一公里

一條直路的話就十分鐘內就到

如果咁易就餐餐中餐啦

搬嚟咁耐

我們都唔敢開車入巴黎市中心

車多人多難搵地方泊車和停車場貴

不過去十三區買餸就different story

Tang Freres 陳氏超市有附設停車場

在他們超市買滿十歐就有兩小時免費泊車

不購物就三歐一小時，車位闊落，不過今早十點半已經大排車龍呢

細豆知道嚟買魚蛋蝦片和麵麵

所以好乖

佢仲想我們買盤桔返屋企。。。運桔

因為佢好鍾意食柑同橙

小豆後面的陳氏美食有港式包餅和燒味

可惜大排長龍呢。。。

陳氏實在太多人

行左一半買左大半要買的餸

我們就去另一間叫巴黎士多的超市

一個鐘內買好晒野

我們就打道回府

十三區周圍都掛上揮春呢

有法文

都有中文。。。。咩叫合境平安？

記得N年前學生時代嚟過的殘體字招牌麥記

好似香港麥記都無中文招牌

以前紅色都還易認

街上都是賣年貨的檔攤

好耐未試過咁有新年感覺呢！

行左兩間超市的戰利品

有一箱出前，米粉，蝦子麵，烏冬

各式魚蛋，韓國餃子，越式春卷，湯圓

蝦條零食。。。。

勁開心買到的金菇

還有盤花啊，可惜Luca媽影相技術勁差，cut左個頂。。。。

其實去巴黎十三區，感覺好似返左亞洲

開車的人，街上途人都是亞洲人

所有店舖都有中文字

雖然身處巴黎，但真正當地人反而變成了外人

Luca老豆話，所有鬼佬的樣都好似好迷失咁

哈哈哈。。。。

Well，Happy Friday各位！Happy Weekend!