大家可能記得不久前
大豆的老師投訴大豆唔識寫撩草
經過三星期的努力
暫時算上了軌道
昨日是半日學
大豆老師又給我們寫了一版紙關於大豆
老師話大豆的撩草有進步
聆聽，閱讀暫時都可以
但法文拼音搞不清
en, ou, an, eu, au, eau...........
法文文法混亂
而且上堂成日發夢遊雲
最後給我們一本低一年班的補充紙
要我們在假期內特訓大豆
最重要係
要我們提供大豆由幼稚園到現在的學校報告
大豆爸睇完呢封信好火滾
老師質疑大豆係咪從未返過學
係，大豆係從未在法國返過學
呢點老師可能又唔記得
我只能安慰佢老豆話
要慶幸老師這樣留意在意佢個仔
她的用心都係唔想大豆落後
最後我把由薩哈林到巴庫
其中兩份大豆的學校成績評估給她
等她知道我們真的在亞塞拜疆和俄羅斯住過
她可能一直覺得我們在吹水
這兩份評估她應該要花兩星期慢慢睇
英文來啊！
這老師很抗拒英文
家長會時她自爆自己西班牙文好過英文
又話學英文無用
還記得第一次見到她時
她跟我說"班內有一位中國人媽媽
不過呢位中國人媽媽好細個就來法國
操非常流利法文"
so what？跟我有什麼關係
我在法國生活未必要操流利法文
正如我們在俄羅斯，在亞塞拜疆生活
又要操流利當地語言嗎？
講完！
其實已經不是第一次在法國遇上認為學英文無用的人
N年前當學生的時候
教法國文學和教文化的老師都覺得學英文無用
因為他們不會去外地
但教經濟，商業和金融的老師
則操一口流利英語
當然
語言只是生存的工具
生活上沒有需要用英文
學來當然無用啦
識寫撩草唔代表叻啲大豆嘅英文勁過佢老師。意大利人啲字我睇唔明。
ReplyDelete係呀，大豆的英文一定好過老師，連校長都係咁講，哈哈，不過在法國就要學法文
Delete我都睇唔明法國人寫咩，好似老師寫來的野，我都要慢慢睇
佢地小一就開始學拼音, 我見過鄰居仔女D功課, 佢地覺得學識就自然會知道個字大概點寫 (不過我睇佢地FB, 又見好多錯字喎, 呵呵)
ReplyDelete我識嘅人又唔抗拒英文, 不過佢地無咩機會用到, 始終唔係城市人嘛
係呀，大豆學英文時，老師都過學好拼音就會識寫／識串字，依家法文都係，所以老師覺得大豆唔識串字係因為佢拼音未學好。。。
Delete我認識讀文學和讀法文的人都抗拒外文，還是因為他們知道自己有口音所以抗拒。。。
佢英文差，自知不如人，咪話學英文無用囉
ReplyDelete呢個我都覺得係，所以佢話佢不教英文，英文堂只會播video俾小朋友睇
DeleteD人真係迂腐 ! 未知個世界有幾大 !你下次同佢講依家全世界人都學緊中文呀 , 懵盛盛 !
ReplyDelete咁多份成績表, 佢肯定冇心機睇哂 ,好快還返俾你 ^^
俾左兩份佢，佢應該嚇親，因為真係好長，剛剛又問要去年那份，我話咪俾左佢囉，剛剛再印多份，譯埋法文俾佢，我都唔知佢想點，依家又話想知大豆係點樣學reading喎
Delete英國比法文難學呀，你由得個老師啦。 大豆在佢手上架，希望大豆找到學習的樂趣。
ReplyDelete吓? 英文差仲去教英文?
ReplyDelete小朋友的語言適應力最強,多D同同學仔和鄰居玩下應該好快跟得上,唔駛太擔心!!!
ReplyDelete我諗如果在法國生活,只要學懂日常溝通會用到的法文,能流利聽寫正確法文已經好足夠,除非將來大豆立志要當法國大文豪才有必要深入鑽研法國文學文化吧^^
英語始終係最普及的international language,在全球化情況下一定有必要學好,至於中文也越來越重要,大豆在外地係咪無乜機會學聽寫中文?
唉，可憐的大豆同媽媽，有個咁唔化嘅老師，自己英文唔掂就講英文冇用，我嘅French brother in law 嘅英文,我都需要留意啲聽才掂，佢都住左這裡成廿幾年啦，唉
ReplyDelete呢位班主任係咪未來幾年都會跟大豆果班?
ReplyDelete其實真的不用咁pushy, 初到埗, A&B當年完全唔識中文,現在勁到嚇c你,兼笑c你
小朋友學嘢好神速
你不用同佢急,最緊要大豆零壓力開心學習
arrogant
ReplyDelete他們好像有點井底蛙
ReplyDelete