每周一買

其實，Luca媽好喜歡去超市
以前在薩哈林住的時候
差不多每日，或隔日就會去超市
可能是香港家人的習慣
每日都會去街市買餸
有咩需要就落街買

可是，搬來巴庫就再沒有日日去超市這支歌
雖然步行可到的有兩三間超市
不過一間超臭，一間超貴，一間有好多樓梯，推BB車不可能
還有，最重要係要帶住Matheo
我們只可能去一次

每日，我們都會把差不多要補倉的東西寫下
雖然超市沒有歐洲的巨大
不過都不想浪費太多時間來來回回
而且車程來回都要四十分鐘以上
很累人

今日去呢間超市，應該比平日去比較近那間便宜
最重要平日早上沒有人
俾錢就不用跟別人駁火

原本打算買花生醬
找了三間都找不到
今日，竟然找到那日"無價”的bonne maman果醬

還有想試的本土出品茶
上次試了Pasha黑茶， 真係好黑

途經這建築物，四野無人
好似係展覽中心
巴庫有很多建築物落成，但十室九空，即港人叫爛尾
一來沒有足夠資金完成，二來政府有很多原因，藉口不去批文

終於返到屋企
好彩超市有工人幫手入袋，送上車
司機幫手拿上來
否則幾斤洗衣粉，雞肉，幾公升牛奶，果汁
我都不知道要走幾多轉

今日買了兩隻雞
一隻今晚食，一隻入冰箱
還有大堆青瓜，蕃茄，蘋果，今日還買到西芹，南瓜和茄子！
雖然今日呢間超市無Manner賣，但有另外呢隻
Azercay是本土出品紅茶，鐵盒的做手信
紙盒的是有芒果紅茶
即時沖了一杯，不錯！這盒有廿五包的茶包只是六個半港幣而已！
還有Weetabix， 只有這超市才有，真煩。