新車落地

天氣實在凍得太快
中央暖氣比去年早一個月開動了
扣在鞋上的雪踏都訂好了
本地人預計，今年冬天將會比去年難過
所以，我們都開始為這漫長的冬天計劃
除了畫畫，前兩日Luca媽正式應徵做車手

Luca媽的車齡......應該是零呢
第一次和最後一次接觸
都是中學家政堂，還有當時的功課都是Luca婆婆出手
大家可以想像

新車落地，可是沒有材料
只是跟另一新車手法國太太一齊亂車
還是要去找點教材學起，還有布料，其他用品
其實是另一個洗錢的藉口......

下星期一，Luca就開始上學了，希望一切順利
然後下周五，Luca又跟的回港去很期待呢！

加返個有趣的後記：
話說上周六跟法國太太去買車後，很興奮地告訴Luca爸
Luca爸都很大方叫我快Ｄ去買
周日晚上跟老爺奶奶skype
Luca爸就順道話俾佢阿媽知我會去買架衣車
點知阿奶奶大人話：「我都想買一部俾你呀，我見到有部３０歐羅就想起你......」
我當然在後面洒手擰頭叫佢老媽子唔好買啦
Luca爸連忙說：「唔駛啦唔駛啦，我地會買部似樣的」
奶奶大人話：「唔係喎，３０歐夠啦，好抵喎......」
我就梗係黑面俾佢個仔睇
連返say no後，奶奶收聲
又係驚Ｃ我亂洗錢？？
講真，呢架野都唔係貴呀......