巴黎十三區

大家唔好誤會

大小豆媽不是購物狂呀

只係咁巧合今日大小豆老豆有日補假

我原本想單拖出去買餸

不過佢咁大個仔都未去過巴黎的唐人街見識

所以咪湊埋佢兩個去威（大豆返左學呢！）

我們家跟十三區的距離只係十一公里

一條直路的話就十分鐘內就到

如果咁易就餐餐中餐啦

搬嚟咁耐

我們都唔敢開車入巴黎市中心

車多人多難搵地方泊車和停車場貴

不過去十三區買餸就different story

Tang Freres 陳氏超市有附設停車場

在他們超市買滿十歐就有兩小時免費泊車

不購物就三歐一小時，車位闊落，不過今早十點半已經大排車龍呢

近況。。。。。加映敗家

天氣凍，呢排日日都係好期待小豆午睡的時間

我就跑去開工

開車可以開到天昏地暗

不是多得小豆這個人肉鬧鐘午睡醒來"鬧"醒

Luca媽就一定會忘記去接大豆放學

。。。。

近排是法國減價月

拖住三位男丁去購物不比拖住寵物狗購物容易

大豆會在左右徘徊remind我他在等緊我

小豆有奶咀都還好

他們老豆就玩電話打發時間

最後都是空手而回

要解癮，唯有網購

終於等到雪糕機減價啦

比門市買平三十歐呢！

開光之作Vanilla 雪糕

好好味呢！

第二次用雪藏雜莓乳酪雪糕

第一次在法國買雪藏水果

價錢跟新鮮的不相百仲

不過最緊要好食

另外敗了一個LC的大鍋

法國叫faitout - 即係咩都可以整

很喜歡輕身的蓋

終於有個大鍋用來整青口呢！

還有幾套杯仔

唉。。。。又買了垃圾

買左都未有用過

大豆出左場，點可以漏左小豆呢

Luca媽已經去了市政廳幫小豆報幼稚園

新學期就可以返學啦！

因要先戒片

。。。。

呢排有人影相要舉V字

原來舉V字不是想像中容易架！

經過幾日努力練習

開始有啲成績

再戰Le Bon Marche.....失望而回

趁星期六天氣不錯

我們出巴黎走走，順便趁大減價捐捐血

目的地又係Le Bon Marche

所以大豆好grumpy。。。。

車衣女工

這兩星期的天氣都很差

加上無咩事唔敢出街

所以一有時間

就埋位開車

在巴黎的烹飪班 － Cooking Class @ L'Atelier des Chefs

希望各位朋友仔都過了一個非常開心的聖誕節！

今日係十二月三十一日啦。。。。。

大小豆一家

祝大家新年快樂！身體健康！

～～～～～～

我們的聖誕節

在爺爺嫲嫲家渡過

最後不歡而散

（第日再告訴大家）

我們都很開心回到巴黎

休息了兩日

昨日Luca媽蛇王了半日

跟朋友出巴黎上烹飪班

在網上預約時段

煮完食完才付款

選了早上十點半至十一點半

一小時內做一個主菜和一個甜品

大家都估到可以學到的真的不多

三十七歐

主菜是薑餅鴨胸跟香蔥茄乾薯蓉，配蜂蜜甜醋汁

甜品是朱古力忌廉，sable和咖啡忌廉

首先各自在自己位切薯仔，切蔥

然後同學們圍在爐邊

到老師教煮

十一點半

主菜完成

老師教擺位然後各自拿碟自己整

朋友跟我都是第一次試

感覺驚喜不大

當是在餐廳午餐

有同學是雞手鴨腳的

這類班都是給少入廚的朋友

平日有午餐cooking class

17歐一位

甜品真麻麻

cream 上加cream

昨日滯了成日呢！

因為朋友要趕回去湊小朋友

所以我就乘機去唐人街入貨

可惜電話無晒電

無得影下相

買了湯圓，柚子蜜，餃子，魚蛋，春卷，一丁，香茅，薑。。。。

L'Atelier Des Chefs

http://www.atelierdeschefs.fr

終於輪到我。。。。。

上星期收到法國入境部的信

終於輪到Luca媽去驗身，面試和activate我的首年簽證

因為不知道面試會怎樣

而且好唔想去上法文班

所以整個星期都有點緊張

。。。。

昨日，聽到新聞話巴黎的士司機擺工塞住條路

所以早點出門口以防遲到

由屋企出發到指定的那個入境部只要三十分鐘

沒有塞車

比預期早了半小時到達

雖然都要等半小時

但職員都好公平，早到早處理

。。。。

一點開始

聽了二十分鐘開場白

再睇半小時影片

。。。。歡迎來到法國。。。。

想成功拿到簽證

要上咩法國生活班，法文班，職場介紹

和公民班

集齊所有證書

將來就可以更新簽證，或申請入藉

。。。。

去體檢，好循例的工作，而且很馬虎

度高，磅重，驗小便，驗眼，照肺

再去見醫生，量血壓，睇牙

有幾位當席醫生

點知撞正那個個樣好麻煩的

這位仁醫硬要屈我有六百度近視

查實係所謂驗眼那位大嬸好是但叫我讀第一行就算

anyway

我只要張medical cert，佢想點就點

。。。。

攞住張cert上去面試

出來叫我那位小姐個樣唔太友善

無法

Luca媽總是黑仔命，死就死

blablabla講完一大輪野

結果出奇地順利

攞了三張證書

只等最後一張一月尾去上公民班

個樣唔太友善的呢位小姐

傾落其實幾友善

Luca媽N年前大學期間來過法國的商業學校當一年交流生

她覺得我不用來這個面試

所以就把證書都印出來給我

可能打政府工的人，個表情都比較麻木吧

她還發現，那張體檢證書

把我的出生年份加多9年

還幫我落去跟體檢部理論

一點鐘開始，三點半走人

比預期早呢

Paupiettes de veau au vin blanc

搬來法國，最開心應該是能夠盡享口福

我們家的焗爐還未焗過麵包

暫時食法包還食得好開心

而且市中心有三間靚靚麵包店

一歐一條傳統法包真係好抵食

而且呢，去超市再不用估估下

想整些特別的

去肉店買用順便問問店員

真係比以往方便多！

這天去買肉碎時

順便買了兔脾

還有這個Paupiettes

Luca爸很喜愛的，但我好似未食過

其實是一塊小牛肉和煙肉，入面釀了肉餡

功夫和心機較多

肉店哥哥話用cocotte煎煎

再煮45分鐘就好

我們家除了Luca爸吃薯仔外

我們三個都不是薯怪

另外煮了些意粉伴吃

味道好，但功夫多呢。。。。

呢個肉店現成的不便宜

要好好硏究

近日還愛上了用白酒來煮餸

上個月買的這支白酒剛用完啦

幾歐一支，還是有機的，跟買豉油差不多價錢

廚房的另一個好消息

是LC黑仔鑊

終於可以炒飯煎蛋都唔沾底啦！

真係比一般平底鑊好鑊氣呢！

加上我們用induction

用鑄鐵煮食傳熱效果更加好

Yeah Yeah

非常期待減價買staub的炒鑊啊！