八月福岡 － 1

近日巴黎的天氣凍得很快

早上只有四度，還下着毛毛雨

真係心都寒！

回想起暑假返香港好熱。。。。

可是已經記不起那種熱

今次回港還加映了家族福岡行

香港老家麻煩嘢多，所以一齊去行行散下心

。。。。。。

八月的福岡，真係好熱

原本買好火車套票到處走走

因為太熱太辛苦

迫住要去行街歎冷氣

秋季回港

天朗氣清

秋天真是最適合回港的季節

到港第二朝一早

就衝去領事館搞簽證

金鐘政總前

感覺很震撼

希望學生們的犧牲和堅持

最後會有成果

開心返屋企－二零一四年六月－敗家篇

之前才不認自己買埋好多無謂嘢

還要C撐無謂嘢好有用

今次十二蚊店的敗物

手工紙，砌圖

便當公仔裝飾，膠袋夾

公仔錫紙，冷麵盤，碟。。。。

十二蚊店真係敗家好去處

特別係身邊有貓貓和咖啡

跟貓貓和咖啡的聚會

永遠都很開心

有講極都講唔完的話題

妳們兩個知道

我上車後好唔捨得你地呀。。。。

多謝咖啡的禮物

大小豆都勁開心呀

餅餅兩日內纖滅了

書書我帶埋返嚟睇

除了十二蚊店之外

Luca媽必去入貨的地點係深水埗

今次布布買得少

因為一早已在淘寶淘好了

但買了很多拉鍊和其他手作小物

網購的

還有很多書

今次只帶走了部份

其他的留待下次寄去法國啦

朋友介紹台灣金石堂網購

連運費，在各OK便利店提貨

都比香港買的台灣書便宜很很多！

香港物價真係好貴呢

開心返屋企－二零一四年六月篇

其實每次返屋企都很開心的

跟屋企人可能相處的時間不多

大家反而會更加珍惜相處的時間

更加珍愛大家

。。。。

今次回港一如以往坐卡塔爾航空

第二程因為跟國泰share code

所以是國泰班機

住在香港的朋友可能沒有這種感覺

但對於在巴庫沒有機會見到香港人的我們

一踏上國泰班機就好似已經返到香港咁

見到港女空姐親切的廣東話問候

真係即時加分

國泰派的玩具包是怪獸大學

兩豆沒有興趣

空姐給兩豆小朋友專用耳筒

兩豆好乖瞓醒覺才看卡通呢

返到屋企都係飲飲食食

炎炎夏日

真係不想出街

只是大豆一星期有兩日去學游水

學得好開心

起碼不會再抗拒游水

咁熱

又點少得食雪糕呢

原來小豆係怕食凍嘢

你睇佢個樣

大個仔的大豆成杯食晒當然不是問題呢

就這樣懶洋洋地過了我們的香港暑假了

有朋友提議去睇熊貓

湊住兩豆的Luca媽當然懶出城

就在臨走前一日

在中環見到佢地。。。。。

搬去法國後

就不可以再成日返屋企了。。。。

放暑假。。。。

咁快又五月，昨日早上朋友好緊張打電話來
原來六月和七月回香港的機票已經很難訂
甚至是，由七月中至八月頭
從多哈回港半夜那班機都已經滿
突然間
把Luca媽的如意算盤都打破了
還在想
六月的機票慢慢訂都沒有所謂吧
現在呢
因為七月中至八月頭都不能回去
所以Luca爸要提早回港
我們被迫要提早結束暑假從香港回來
唉。。。。。。。
機票爆滿的原因呢
因為卡塔爾航空在去年底加入了國泰航空的寰宇一家（One World)聯盟
而由三月底開始
卡塔爾航空每日去香港的兩班航機
半夜那班會由國泰航空取代
而在卡塔爾機場轉機雖然辛苦
但目的地卻非常之多
可能因此暑假的機位都爆滿吧。。。。。
唉。。。。。。。

香港行的收獲

其實每次返老家

都一定會有一個指定的購物清單

蝦子麵，米粉

各式醬料，楓樹糖漿

各式維他命，成藥

冬菇乾貨，零食

還有兩豆的書本，衣服鞋襪

幸好自去年尾開始

卡塔爾航空給每乘客寄倉行李

由廿三公斤提升到三十公斤

所以

回家無理由不塞滿行李才回來呢！

又回到拜疆國

快樂的時光總是過得特別快

我們又從香港回來

回家沒有什麼活動

只是跟家人吃吃喝喝，見見朋友們

已經非常開心

特別多謝家人好友們為兩豆拍下的照片

拖住兩豆，Luca媽已經很少會掏出電話來拍照

這晚帶住大豆去跟Luca媽的中學老師聚會

老師叫大豆揀甜品

大豆二話不說，在菜譜中指住這個

蛋散。。。。。

原來，未夠兩歲的小豆

可以買不帶坐位的infant票

但從來都黑仔的Luca媽很少機會遇到吉位

要抱小豆坐十個小時飛機

真係比C真難受

幸好今次給他買了位

我們的來回四程機都爆滿呢！

回程那一晚，大豆很難過

雖然我們六月都會再回去

但大豆仍然很很很傷心

唉

幸好，回來休息兩日後，新學期又開始

見返他的同學仔，他又開心返。

大家好嗎？

很久沒有上來了，希望大家都好！
Luca媽會努力更新呢！
Luca終於在六月份做了哥哥，小弟弟Matheo加入了我們小家庭！
還有，我們很快就要搬離薩哈林，
下一站是⋯
阿塞拜疆

秋季旅行之香港

趁住Luca爸十月尾有兩星期假
我又帶住Luca小朋友先回港兩星期
shopping,　拆蟹，抖抖，見下朋友
次次返嚟，時間真係過得好快
沒有做過咩嘢，日日煲電視，咁就過左一個星期
原來計劃去深水埗睇布，都仲未去
依家仲有十日，要趕快去超市入貨
只係香港未係減價時間
沒有大興緻大動力去買嘢
只係買左書，洗頭水，還有Luca公公送的新電話

過兩日Luca老豆就返啦，咁啱又會打風
十月尾打風，真係奇怪
俄國人都話，今年冬天會很難捱
庫頁島現在已到負數溫度了
有時候，有想過唔返去......
唉，都係諗下發下夢吧
況且我們都不知道還會在那邊住幾耐

行超市

昨晚行超市找到呢個
想起博友熊貓小姐

自從搬到薩哈林後
每次回港都異常享受行超市
好多野都好想買.....

香港遊怪遇＋Luca新車落地

回來第五日
見了幾位沒有預計會見面，而且很多年沒有見的朋友
很開心！
昨日早上懷着沉重的心情去俄國領事館
沒有期望能拿到簽證
只本着去問問資料的心
怎料，可以簽快證
（兩個單次入境簽證多謝一千七百大元！）
今早再出灣仔取回護照
十萬個意料之外！
只希望簽證沒有問題呢！

昨日在灣仔發生這樣一件事
事發地點鷹Ｘ大廈平台書店對出
我在講電話，一個包住頭大畢鬍子印巴男士在逗Luca玩
當時我以為他是重慶大廈門外叫人造西裝或買錶那些人
沒有為意
收線後他跟我搭訕
我仍以為佢係賣西裝無野做跟我呢個路人Ａ吹下水
佢問我係邊度嚟
然後就話我多野諗，成日臨瞓時諗好多野
太多心
我都以為佢沒有機心（唉.....Luca媽實在真係out左）
跟住佢寫左一張紙仔，揸埋一粒，叫我拎住
之後佢就話我七月會行好運
０８，０９年運氣不好，１０年七月會有ＳＭＢ
即係sucess, money同唔知咩（佢Ｄ印度英文好惡聽）
跟住，佢問我鍾意咩色
我第一時間話紅色
然後佢話除了紅白之外鍾意咩色
我話黃
跟住，佢問我鍾意咩數字
我話６
佢叫我打開佢之前揸埋那一粒紙仔
打開
真係寫住yellow和６
佢又叫我星期六唔好剪手甲和頭髮
又話有人好jealous我
最後
佢打開個荷包俾我睇張相，話佢係holy man
然後叫我放錢入去
佢講左咁多野，我又驚佢會落我降頭
硬着搵廿蚊俾佢
點知佢知我銀包有幾多錢
（佢係冇可能估到，都沒有可能睇到）
開口要的俾一百美金佢
我話no way，佢話我有五百蚊港紙
我話no way,　佢話我有五十美金
我話you are too agree, it is enough for now
就走

今日，又見到佢，又開口問我攞錢
我話no way,　佢都唔放過指住pacific coffee
我話趕時間就走左
唉
Luca媽唔會再跟陌生人講野架啦！
＊＊＊＊＊
今次返嚟，Luca小朋友榮升車主
上星期仲去左西九遊車河

幕後主腦，就梗係錫到Luca燶的公公婆婆啦！

Luca真係好開心呢！

又準備出發去！

不經不覺，回港已經兩星期
今次回來，沒有特別事要做
（或者係自己太懶，唔急的又留返下次）
記得返嚟的頭幾日，例必給好友們傳個sms報到約出來聚聚
是否年紀越大朋友越少？
有心的，真正的朋友都抽空出來見見
失望地，認識了多年的朋友
不但沒有見面（以他們的行業，應有最多假期）
這朋友的回應是十萬個叫人失望
可惜

無論怎樣，回家都是很開心的
今晚Luca爸就回來
星期日，我們便跟Luca公公婆婆出發去北海道
很期待這次旅行呢！

fun fun @ HK easter

回港兩星期，每日的活動不多，感覺懶洋洋
莫講話出新網誌，連遊"博"河都懶開電腦
難得不用煮飯，不用做家務，連Luca的起居飲食都可少理
真快活
連之前在薩哈林時乾柴爆裂的雙手都即時好過來
還有天跟好友偷閒行銅鑼灣，收獲不多但十分盡興
早知我不答應公公趕回去晚飯，而妳又逃學，可再window shopping！

至於Luca，每次去商場必定拼命狂跑
復活節周圍都有旦和兔仔，令他更興奮

他抱住這跟他一樣身型的兔仔
搞到實Ｑ先生走埋嚟叫Luca唔好太熱情整跌隻兔

香港的商場真係多野睇
遇上名車展銷
唔買都可以摸下睇下試坐下！

食的相真係沒有，因為顧得Luca，顧得食就忘記影相
要食的都差不多食晒
等Luca爸星期四晚回歸再出動！

香港地.......

在香港HEA了差不多三星期
只覺得自己勁OUT
有時候會想想留在香港
有時候又會慶幸自己不是住在香港

就好似今早，在電梯跟一位六十有多的鄰居閒聊
（我是不認識這鄰居的！）
阿大嬸問，我是否帶Luca上學
我說，他才兩歲，我們只是落街走走
阿大嬸就話：「我阿孫女都係兩歲啦，响九龍糖咩咩幼稚園返緊學啦！
你那個兩歲都唔返學，第日入唔到小學架......」
我只係答：「哦！係呀？」
就繼續走

呢一刻，又再慶幸Luca不用在香港上學
＊＊＊＊＊
今次返嚟，𡃁模熱潮減退
換來是一街龍友（即沙龍發燒友）
香港經濟不好，街上大袋細袋名牌都係普通話人
原來時下香港潮人不再shopping
而是注資在相機業
街上無論是男是女，梗有一大部大相機，一大支三腳架

就好似琴晚去老尖同Luca公公慶祝生日
在某酒店自助餐
我拿着碟，正想去拿蠔之際
一位OL拿着部十分之大的相機，不斷為生蠔們拍寫真
另一面，又有一位哥仔正在為甜品拍寫真
當時心想
兩位仁兄未見過生蠔，未見過甜品嗎？

飯後沿海旁步行到Harbour City
海旁的吸引力明顯不夠Harbour City的聖誕裝飾強
那海港城入口人山人海（昨晚都只不過是星期三晚！）
三腳架把行人路都攔住
龍友對聖誕裝飾的瘋狂程度
只能用恐怖來形容

香港，好似變得越來越恐怖！

elle est ou la gourmette?!

返嚟已經個半星期，時間過得好似好快咁
坦白講，真係唔想再走來走去
聖誕節可唔可以唔返法國，去日本玩幾日啦？
（呢個心底話，只敢在呢度發表......唉）

其實應該忙着為Luca爸的家人（係，依家都係我的家人）
買聖誕禮物
不過，都仲未去買

收到Luca爸轉發過來Luca嫲嫲的電郵
話說Luca阿嫲在Luca出生時訂造了條１８Ｋ金手鍊給Luca
（即係好似我們給ＢＢ買金器的傳統）
Luca阿嫲對我一直沒有給Luca戴上有微言
咁貴重一條金鍊放埋一邊唔戴？
我只覺得，給一個ＢＢ戴手鍊只會對ＢＢ造成不便
而且１８Ｋ金沒有什麼大不了
我們２４Ｋ金不是更保值？
當然，慣性屈服的Luca媽在Luca一歲多時戴上這條鍊
不經不覺仲戴左幾個月

突然有天鍊扣鬆開了
Luca媽把鍊收起.........

到現在，又好多個月過去了
我們都由南半球搬回北半球
講回阿嫲的電郵
當然是要拿回金鍊加長修好再戴

但暫時Luca媽對金鍊的location毫無頭緒
唯有努力諗努力搵下啦

好貴的香港！

離開香港，都只是半年
不過每次回來，都總是很不同

今次回來，家人朋友們都問，可有覺得物價貴了？
這幾日外出食飯，食店價錢沒有大分別，不過份量比以前少得明顯
日常必需品都貴了
衣服鞋襪更不在話下

另一樣叫Luca媽驚訝的
是國內旅客真係多得恐怖
Luca婆婆埋怨
國內旅客來港購物
把香港貨品價錢推高

唉！都只能怪商戶乘機加價
某程度上
"多得"國內旅客來港消費來救助零售市場
不過.......國內旅客真係多得好恐怖
有時以為自己返左大陸！

所以，Luca媽回來趁大減價熱鬧的美好大計都得報銷

home sweet home

星期五早上，趕頭趕命執行李

行李都是Luca的東西，Luca 媽什麼都沒有

趕快食過午飯，就出發去機場

三點鐘機，一點半才可check-in

天陰陰，Luca媽最擔心，是上機途中滑倒

由機場行上機，至少有一百米路要走

還以為滿坐，怎料，連半機客都沒有！

Luca可以大覺瞓........（這景象只限落機前半小時，Luca興奮得太累）

頭三小時機程順利，Luca大喊了一次，因為空中小姐要收起他的食物.....

之後在首爾機場轉機兩小時

Luca媽竟然有收穫，買到野！！哈哈哈

再捱多三個半小時機程，睇了Julie and Julia!好睇啊！多謝Panda 小姐好介紹！

Luca在機上大喊，因為氣流要扣安全帶，但他要企起身......

星期五晚上十一點半，公公婆婆舅父在等我們

好開心，好興奮，我們都一樣！

星期六早上外出食早餐

早餐後，去超市走走

第一感覺係

住在香港，真的很幸福

多得薩哈林，令我們知道，我們是很幸福的！

我們出發啦！

終於等到返香港啦！

今次Luca識叫公公婆婆，他們應該會很開心呢！

只是舅父仔不太開心，因為舅父太難叫吧

其實，我們離開香港只有六個月

卻彷似十分漫長.....

興奮的同時，又不捨得留下Luca爸一個

但他的工作實在忙，

周一至周六

早上七點上班，晚上八點多回來

飯後又再工作

反正他都忙，倒不如Luca跟我回家去吧....

唉，兩難存

見步行步

星期一，把原本訂好廿二號出發的機票改到廿八號

其實是十萬個不情願，奈何始終都要走

今早，Luca爸爸話俄羅斯簽證已批

等DHL送來正本，就要去領事館辦領

即是，廿八號，真的要走

＊＊＊＊＊

小時候，常常想到外國留學，在外國居住

長大了，想多留在家

更珍惜屋企人，更愛家，香港其實好好

另一邊廂

是擔心新居住環境，要重新適應所有，找新的朋友，學習新的語言，新的文化

無論如何，唯有見步行步

痛苦的五月五日下集

上星期二一連五針加抽血，左手痛了整整一個星期，動彈不得

抽血結果出了，今日下午再去打針

入到房，問姑娘，「上星期左手其中一針很痛啊！是正常嗎？」

「當然正常啦！」姑娘回答

姑娘再補充「有個壞消息要話你知，今日呢一針都會很痛，都會腫一個星期㗎！你依家左手仲腫，要打右手嗎？」

我的心一沉，想了一想，決定還是痛左手　　


同場加影：Luca深水埗一遊

及昨日Luca老豆的favourite!