假後抑鬱症

放假回來已經一星期了
剛剛從時差中復原過來
就開始受感冒的襲擊

在薩哈林的這個星期
天氣都很差
白天都是烏雲密怖
晚上就滂沱大雨
氣溫都徘徊在十五度

可憐Luca小朋友在香港和法國都是忙碌碌的
每日都在外面玩，在香港日日去街不在話下
他在香港時，很出奇地跟公公婆婆說
「 黑蚊蚊都去街，落雨都去街」
因為在薩哈林，我們除了買餸之外
甚少去街（都隔日買餸，夏天早上都可以出外走走）
莫講話晚上或落雨外出？
所以
這星期每次外出後要回家時
他都在門外大喊，不肯入屋

每次我們坐車去比較遠的超市
他都會說我們去機場
可是
短時間內我們都沒有機會再放假呢
加上我們一定要留在島上一個月等簽證做好

希望
天氣會好轉
起碼可以穿穿短袖衫，享受一下陽光
那心情都會好起來！

2010 六月之法國

上一次夏天回法國
是Luca六個月的時候
今次我們真的很幸運
十多日來都是藍天白雲

去老爺奶奶家
Luca媽當然一早做好心理準備括出去
奶奶大人想點就點
我唯一阻止了她晚上十點給Luca朱古力而已

Luca小朋友都十分享受今次旅程
外面天氣好所以他大部份時間都在外面玩

由老爺奶奶家開車去海灘只是十多分鐘
所以差不多每日下午Luca午睡後都去玩沙

說實話，始終不是自己屋企
又不是酒店
我們去沙灘都不敢太放肆地玩
以免玩得太污漕奶奶大人不高興

去了沙灘多日，Luca都不肯掂水
可能水比較冷
呢日，他終於肯落水，最肯當然太好玩不肯走
（奶奶大人body guard)

十多日假期，沒有機會消費
anyway我們可以消費的地方
都只是藥房和超市
去了Pampol這個小漁港，這兒有很多特色商店
不過扶老攜幼
當然沒有機會睇野啦

最後，我們一家全程只洗了二千蚊港幣
買了一大堆餅食，手信，yeast，潤膚膏，咖啡，藥物，雜誌而已
認真慳家

My LUCA

忽然之間，發現Luca長大了

他實在長大得太快

他不還是一個ＢＢ嗎？
很難想像
現在會行會走會say no會扭計有主意的兩歲半細路
曾經是一個幾磅重的ＢＢ
翻開相薄
覺得不可思議......

原來Luca曾經咁細個

兩年半來，我們經歷了很多
三個月大那個時候
對Luca媽來說，是最辛苦的時間

六個月，這個樣很老積啊！

到會行會走會駁咀....

兩年半來，感覺上經歷了許多
生活環境不斷轉變
令心境成熟了，老了.....
有時，很懷念廿多歲時那種情懷
那時候，享受生活，充滿活力
現在，
字典裏再找不到享受和活力
可能，這就是做媽媽的犧牲吧？！
不過，我相信，這只是暫時性
而且，看着Luca成長
這犧牲換來了不能言喻的滿足感和快樂
Luca媽會繼續加油呢！

後記......
假期完了，回來薩哈林四日了
除了jet-lag，還有一份莫名的失落感
可能是島上的生活太靜吧.....

奶奶大人與我

離開了屋企

才會覺得屋企的溫暖，屋企人的重要

結了婚，生左仔後

更會覺得自己媽媽的辛苦，媽媽的偉大

自己媽媽的好！

這是Luca媽的親身感受

當然，這不是發生在每個人身上

例如，這對於Luca姑媽是剛好相反

她是一名四十三歲女子

從小，是家中的碧玉

爸媽對她寄予厚望

進有名的商科學校，去美國讀英文

出來就擔任大企業管理層工作，很快有自己物業

一直令她爸媽十分自豪

幾年前認識了跟自己弟弟同齡的男子

這男子未婚，不過跟其前女友育有一女

在油漆廠工作，工餘時間喜愛運動

這段關系，一直受女方家人極力反對

每日通電話，內容離不開叫阿女離開這男人

可是，這女子不但沒有離開這男人

去年，還跟這男人生左個女

女方家人極度困撓，阿爸要生要死，阿媽日日埋怨

四十二歲高齡產婦懷孕時一度沒有工作

到BB出生後六個月復工

不過身體甚弱，一星期工作一星期病假

早產的BB身體都不好

這又令女方爸媽又極度埋怨阿男朋友

直至兩個月前，阿女染上肺病

阿爸媽去幫忙照顧

一星期後，兩老打道回家

阿女發誓以後不想再見這兩老

不會再踏入這家門口

＊＊＊＊＊

作為弟婦，新抱，我是十萬個明白姑仔的決定

我們回來只是一星期

發現我家奶奶大人一年比一年惡頂

一年比一年主觀自我唔尊重人

（連自己個女都唔尊重，點會尊重其他人）

我這個新抱一年見兩次，寄她籬下不會出聲

她要把我的行李翻來復去我不會出聲

我沒有什麼秘密

永遠不敲門就開門衝入嚟

唯有自己換衫換快啲

講野有骨唯有盡快洗腦

佢想點就點

Luca老豆，做仔，做細佬的他都十分明白家姐的苦和決定

他都知道自己阿媽十萬個惡頂

他都明白一個四十三歲女人

連自己揀個男朋友都沒有自由

連自己買賣物業都沒有自由

連自己轉工都沒有自由

連自己食咩買咩都受阿媽的言語

冇野好講

真係夠！

我覺得返嚟對住佢一星期都好夠

行超市

昨晚行超市找到呢個
想起博友熊貓小姐

自從搬到薩哈林後
每次回港都異常享受行超市
好多野都好想買.....

香港遊怪遇＋Luca新車落地

回來第五日
見了幾位沒有預計會見面，而且很多年沒有見的朋友
很開心！
昨日早上懷着沉重的心情去俄國領事館
沒有期望能拿到簽證
只本着去問問資料的心
怎料，可以簽快證
（兩個單次入境簽證多謝一千七百大元！）
今早再出灣仔取回護照
十萬個意料之外！
只希望簽證沒有問題呢！

昨日在灣仔發生這樣一件事
事發地點鷹Ｘ大廈平台書店對出
我在講電話，一個包住頭大畢鬍子印巴男士在逗Luca玩
當時我以為他是重慶大廈門外叫人造西裝或買錶那些人
沒有為意
收線後他跟我搭訕
我仍以為佢係賣西裝無野做跟我呢個路人Ａ吹下水
佢問我係邊度嚟
然後就話我多野諗，成日臨瞓時諗好多野
太多心
我都以為佢沒有機心（唉.....Luca媽實在真係out左）
跟住佢寫左一張紙仔，揸埋一粒，叫我拎住
之後佢就話我七月會行好運
０８，０９年運氣不好，１０年七月會有ＳＭＢ
即係sucess, money同唔知咩（佢Ｄ印度英文好惡聽）
跟住，佢問我鍾意咩色
我第一時間話紅色
然後佢話除了紅白之外鍾意咩色
我話黃
跟住，佢問我鍾意咩數字
我話６
佢叫我打開佢之前揸埋那一粒紙仔
打開
真係寫住yellow和６
佢又叫我星期六唔好剪手甲和頭髮
又話有人好jealous我
最後
佢打開個荷包俾我睇張相，話佢係holy man
然後叫我放錢入去
佢講左咁多野，我又驚佢會落我降頭
硬着搵廿蚊俾佢
點知佢知我銀包有幾多錢
（佢係冇可能估到，都沒有可能睇到）
開口要的俾一百美金佢
我話no way，佢話我有五百蚊港紙
我話no way,　佢話我有五十美金
我話you are too agree, it is enough for now
就走

今日，又見到佢，又開口問我攞錢
我話no way,　佢都唔放過指住pacific coffee
我話趕時間就走左
唉
Luca媽唔會再跟陌生人講野架啦！
＊＊＊＊＊
今次返嚟，Luca小朋友榮升車主
上星期仲去左西九遊車河

幕後主腦，就梗係錫到Luca燶的公公婆婆啦！

Luca真係好開心呢！

又起行

這兩個星期

Luca成日口嗡嗡

"買左機票，探公公，探舅父，探婆婆，探Papi，探Mamie，探......."

因為後日

Luca又會跟我返香港呢！

今次只會在香港兩星期

拿新的俄國簽證

（希望拿簽證的過程順利

因為很多太太回來投訴拿簽證不順利呢）

搞好簽證

起行去探爺爺嫲嫲

不夠兩星期

Luca爸要趕回來開工

七月二日又要返嚟

今次辛苦的係

從法國小鎮去巴黎轉機

第二日下午到香港食個晚飯

同一晚又上機取道首爾去薩哈林

一共三日機程

現在想起已經怕