當局者迷

大家好嗎？原來已經四月

好宅的兩豆媽，驚覺時間的飛逝。。。。。

近來，佔據心神的，都是自己的手作網店

可能因為很有期望，當然會令自己失望

手作是自己控制

網店卻力不從心

由純粹做手作，變作做生意

真是兩回事

是自己產品有問題，是網店用字不夠好，是相片影得唔靚

還是再要投資多啲廣告

。。。。。

心很灰，有點當局者迷

問了各方親友意見

有朋友提議好好鑽研"product description" 

有朋友提議再影靚啲相

有朋友提議開pinterest, 開instagram

有朋友提議要努力寫blog。。。。。

很多marketing 的工作

我會盡量再俾心機！！

。。。。。

大家又有咩意見？

迷失的三月。。。。。。

各位博友仔好嗎？

一五年好像剛開始吧？！

不經不覺，便已經三月尾

Luca媽好像有點迷失。。。。。

最近有很多大大小小，瑣碎事情發生

有很重要的事，去到不想見到的結局

但誰又會知道，柳暗花明又一村

雖然係好老土

但

各人又鬆了口氣

。。。。

在心頭的另一件事

就是Luca媽的小網店

第一次賣手作仔

暫時努力未有成果

所以仍需努力

感覺是迷惘。。。。沒有方向

唉～

。。。。

春天還未來到法國

每天都是梅雨

一個人撐起雨傘去漫步還是挺浪漫的

可是拖住個大豆，推住個小豆

只感覺狼狽

在反反覆覆又冷又暖的天氣下

兩豆都流住鼻涕

兩星期前跟朋友茶聚

這個自稱巴黎最大Outlet mall - One Nation

地方是很大，星期六下午三點

大家睇到真係人影不多。。。。

金兔子很吸晴

牛奶妹跟吉蒂的身份交換

大小豆舅父二月份跟女朋友去北海道玩

帶回來尖叫度爆燈的禮物

就係Luca媽大愛的牛奶妹

適逢今年是吉蒂貓四十大壽

（原來吉蒂貓已經四張嘢！雖然吉蒂不是我杯茶。。。）

這個Peko cross over Hello Kitty 真係好可愛呢

小事一則

又係銀行的麻煩事
話說Luca媽自小已經有獅子銀行戶口
到做大學生時仲自動升格為大學生戶口
源用至今。。。。。
到今日
突然發現有十百三十大元的account fee
查過獅子銀行的收費表
都冇一個項目收百三蚊咁古怪
打去問問啦
點知撞正位trainee小姐
阿小姐話，Luca媽呢個係大學生戶口
咁Luca媽畢業咗幾耐呀？
吓？Luca媽畢業咗N咁多年
獅子銀行從來沒有人會去關心呢個擁有大學生戶口的師奶小存戶
更不會有動作去把呢個大學生戶口轉去做咩師奶戶口
但阿trainee小姐話，現在已經沒有大學生戶口呢回事
所以那百三蚊，咪係年費囉
吓？
都唔知係咩道理咁唔通？
這麼多年來，從來沒有人通知Luca媽關於戶口的事
甚至在畢業後用同一個戶口出糧好幾年都相安無事
今日突然獅子發惡要收小費
trainee小姐要Luca媽去分行開新戶口
Luca媽很不耐煩同阿trainee小姐話長途電話費貴叫佢講快啲
仲有唔好對我個小戶口做任何手腳
身不在香港咩都做唔到。。。。。
好啦
最後搞咗半個鐘
攞返百三蚊
trainee小姐問我要個電話號碼做記錄
當然是Luca媽的拜疆國號碼。。。。。
點知
掛線唔夠五分鐘
竟然是trainee小姐打來
問了個非常愚蠢的問題
問我記唔記得銀行係邊日在我戶口攞咗百三蚊
Luca媽話，“你們有record你們比我清楚做咩要問我”
trainee小姐打圓場，“咁我們就用銀行的record過返數俾你啦！”
分明就是要查Luca媽是否真正不在香港
獅子銀行搞咩？
唔係銀行水浸咩？

。。。時空門。。。

下星期，大豆只有兩日要上學
緊接下來十一天的mid term school break
去到廿二號
大豆老豆下星期又要去哈薩克
想返香港
但帶住兩小豆要轉機還要捱過十四個小時的旅程
十分艱辛
還有last minute機票貴三成
如果
叮噹可以借時空門來用一用就好
就算只能用一程
都已足夠。。。。

唉！
大家會否覺得Luca媽很多餘
無神神又返屋企？
近排天氣涼，
所有的朋友仔都趁mid term走晒
真係非常冷清
所以Luca媽帶住兩粒豆
都唔知可以點樣打發兩個星期。。。。。。。。。。。。。

永別YB！！ 朋友們,新屋見！

好啦，是時候跟YB道別！
開始備份和下載了

朋友們，保持聯絡
新屋見！
http://ladventuredeluca.blogspot.com

努力中

新入伙

好多功能都要重新學習重新適應

人越大，學習越是需要時間

而且電腦一向不是Luca媽的強項

今次搬家，都要靠Luca爸幫忙呢

可惜Luca爸又出差了

又要一個人支撐“大局”

真不容易

說實話

晚上多個人幫手照顧兩小豆

真係輕鬆好多

。。。

那邊廂

Luca爸傳來哈薩克風光

Aktau - Kazakstan 

Aktau - Kazakstan

愚公移山

終於都搬屋啦！
又要花時間熟習環境，整理佈置
又要把舊屋都東西運過來
相信settle down的那日都幾遙遠
好彩，blog友仔們都慢慢地聯絡上
希望大家都搬屋順利啦！

情天霹靂

剛剛返回崗位寫blog
怎料YB要執粒。。。。即時呆了！
突然成楝大廈好像要配合我的心情
停電半小時
幸好清潔大姐沒有乘機偷懶
只是由洗廁所走去抺𥦬
唉
突然要搬，真係麻煩
各位親愛的Blog友仔會搬去邊呢？
沒有了blog事小
跟各位認識多年的blog友仔失散事大！！
請各位留下新地址
再續我們的未了緣！！

我的新地址
http://ladventuredeluca.blogspot.com

新手媽媽﹣第二回

當了第二回新手媽媽的第四個月
這四個月彷似十分漫長，經歷了許多......
慶幸今次能夠回港分娩
享受被家人照顧
很感恩能夠有家人和朋友的支持
新家庭成員，新環境，新朋友

作為成年人
要搬離舊居移居一個新的國度從來不是易事
不單是身體上搬家是煩事
而且要跟相識三年多，每日都見的朋友說再見
我們在回薩哈林收拾行裝那一星期
每日都十分難受
何況Luca小朋友人仔細細
要轉校要搬屋要跟朋友告別
我們看得出對於他不易
他從來都不喜歡跟人說再見...

Matheo的誕生
令Luca小朋友知道
除了爸爸媽媽會常常陪伴他身邊之外
還有小弟弟，陪他玩，跟他鬥氣，搶玩具，掙嘢食

上星期四個月的Matheo小弟弟開始食蘋果蓉
Luca小哥哥都不執輸要食
所以Luca媽每次都要買兩份呢！

回港大計

因為薩哈林的醫療設備落後
所以Luca媽計劃好六月份在香港分娩
早在去年十月，即是Luca媽有預感懷孕時
已經立即返港訂床位
免得要打搞他方的奶奶兩個月

二月份回港做４Ｄ
在醫院等見醫生
竟然只有我一個本地人
其他都是國語人
實在太恐怖了
後悔沒有訂山頂醫院
反正是開刀，公司俾錢
國語人應該未攻陷山頂吧

二月份回港的第二件事
是為Luca小朋友找學校
雖然只讀四月至七月
最後都找不到
Luca媽當然感到可惜
但這可惜的感覺維持了不夠兩日
某日跟遠房親友見面
這對“親友“的孩子跟Luca同齡
席間的話題是：「你呀Luca識得加減數未呀？」
「我個女要寫個鳥字呀！你個仔要寫咩字？」
「我教緊個女三字經同唐詩啦！」

飯後，我為Luca找不到學校而鬆了一口氣
四歲識加減乘徐和寫二千個中文字好嗎？
這代表他長大後會比其他人有更多知識嗎？

有一日，我們到法國好朋友家茶聚
好友見到Luca識寫自己個名和畫了一架A380
覺得Luca好叻
因為她六歲才開始學寫字（Luca老豆都係）
我告訴她香港孩子的情況
她的唯一感覺，是覺得孩子可憐
可憐的不但是孩子把所有的時間精力習中在學業上
沒有時間享受童年
沒有機會去建立，甚至去選擇自己喜歡學習的事
更可憐的是，孩子的學習成為了家長的話題

那次飯局，Luca當然成為焦點
可能那些人會覺得Luca可憐
他只識１至４０（Luca已經是advanced,因為學校教到７而已）
中文字，Luca應當不識，不過在Luca媽home school中文之下
認得四五十個，識寫幾個
不過Luca是在開心的情況下學習
而且每次回港都樂於show off他所識的字
例如見到個牌「小心地滑」，佢都識「小﹣心﹣地﹣Ｘ」
最後那個係咪字呀媽媽？

最起碼，不似得在香港
在沒有工人姐姐照顧的環境下
Luca小朋友識得自己照顧自己
刷牙，換衫，穿雪褸，着雪褲，雪靴，手套，頸巾，帽
一律沒有問題
四月尾就是Luca媽要回港的deadline
否則不能上機呢
有兩個月home school
很大壓力呢

歸心似箭

仲有兩日就回程返上島

此刻心情，竟然是急不及待！

不是刻意要抺黑我家99大人

不過兩星期的日夕相對

真係難頂

雖然我已經括出去，接受兩星期無私隱

但每個人的容忍都會有個限度

我可以忍佢俾好多糖Luca小朋友食

但到夜晚9點仲食糖係咪有點過份？

佢仲會話：你地可以見住佢成年，我見佢兩個星期

咁唔係你見得佢少就可以為所欲為呀？

日日都走嚟問我打算俾咩佢食

大佬，好似呢度係你屋企，你先知有咩可以俾佢食

我去買嘢整俾佢食你又唔Like

咁點先？

99大人仲要有滿瀉的好奇心

成日唔出聲在我個手袋度㨩嘢

我個袋無拉鍊你都出聲問下先攞嘢啦！

仲惡頂啲的仲有

例如食完第一輪嘢，佢個煲到仲有剩

問我要不要

我答：唔要

佢會問：你肯定？

我再答：係呀，唔要啦，唔該！

佢會同佢個仔講：你問下你老婆佢要唔要？

頂！係咪我啲法文真係咁差，佢連我講NON都唔識聽？

佢個仔答佢：佢頭先咪話咗唔要囉！

佢就話：我聽唔到佢話唔要喎！

頂！

然後每當佢問Luca小朋友要唔要呢樣嗰樣而Luca答唔要的時候

佢就會好有骨咁講

Luca好似佢阿媽咁，話咗唔要就係唔要架啦！

頂！

再惡頂啲？

發生在今朝，話說在我房內有一袋污漕衫

打算帶返去先慢慢洗（反正仲有兩日就走，呢度又落雨，又係啲底衫褲）

佢問我地有冇衫要洗

我話無

佢就走上房打開啲袋搵

然後成袋拎走

唔好意思，你尊重吓人家的私隱好嗎？

我唔會因為你好心打開我個袋拎我啲衫出嚟洗晒佢而感動

仲要大條道理話我好帶啲衫返去洗？

嬲爆！

好啦，好唔好意思要大家聽我的一輪勞唆

多謝多謝！

購物遐想

因為薩哈林的醫療設備落後
所以Luca媽計劃好六月份在香港分娩
早在去年十月，即是Luca媽有預感懷孕時
已經立即返港訂床位
免得要打搞他方的奶奶兩個月

二月份回港做４Ｄ
在醫院等見醫生
竟然只有我一個本地人
其他都是國語人
實在太恐怖了
後悔沒有訂山頂醫院
反正是開刀，公司俾錢
國語人應該未攻陷山頂吧

二月份回港的第二件事
是為Luca小朋友找學校
雖然只讀四月至七月
最後都找不到
Luca媽當然感到可惜
但這可惜的感覺維持了不夠兩日
某日跟遠房親友見面
這對“親友“的孩子跟Luca同齡
席間的話題是：「你呀Luca識得加減數未呀？」
「我個女要寫個鳥字呀！你個仔要寫咩字？」
「我教緊個女三字經同唐詩啦！」

飯後，我為Luca找不到學校而鬆了一口氣
四歲識加減乘徐和寫二千個中文字好嗎？
這代表他長大後會比其他人有更多知識嗎？

有一日，我們到法國好朋友家茶聚
好友見到Luca識寫自己個名和畫了一架A380
覺得Luca好叻
因為她六歲才開始學寫字（Luca老豆都係）
我告訴她香港孩子的情況
她的唯一感覺，是覺得孩子可憐
可憐的不但是孩子把所有的時間精力習中在學業上
沒有時間享受童年
沒有機會去建立，甚至去選擇自己喜歡學習的事
更可憐的是，孩子的學習成為了家長的話題

那次飯局，Luca當然成為焦點
可能那些人會覺得Luca可憐
他只識１至４０（Luca已經是advanced,因為學校教到７而已）
中文字，Luca應當不識，不過在Luca媽home school中文之下
認得四五十個，識寫幾個
不過Luca是在開心的情況下學習
而且每次回港都樂於show off他所識的字
例如見到個牌「小心地滑」，佢都識「小﹣心﹣地﹣Ｘ」
最後那個係咪字呀媽媽？

最起碼，不似得在香港
在沒有工人姐姐照顧的環境下
Luca小朋友識得自己照顧自己
刷牙，換衫，穿雪褸，着雪褲，雪靴，手套，頸巾，帽
一律沒有問題
四月尾就是Luca媽要回港的deadline
否則不能上機呢
有兩個月home school
很大壓力呢

奶奶大人與我

離開了屋企

才會覺得屋企的溫暖，屋企人的重要

結了婚，生左仔後

更會覺得自己媽媽的辛苦，媽媽的偉大

自己媽媽的好！

這是Luca媽的親身感受

當然，這不是發生在每個人身上

例如，這對於Luca姑媽是剛好相反

她是一名四十三歲女子

從小，是家中的碧玉

爸媽對她寄予厚望

進有名的商科學校，去美國讀英文

出來就擔任大企業管理層工作，很快有自己物業

一直令她爸媽十分自豪

幾年前認識了跟自己弟弟同齡的男子

這男子未婚，不過跟其前女友育有一女

在油漆廠工作，工餘時間喜愛運動

這段關系，一直受女方家人極力反對

每日通電話，內容離不開叫阿女離開這男人

可是，這女子不但沒有離開這男人

去年，還跟這男人生左個女

女方家人極度困撓，阿爸要生要死，阿媽日日埋怨

四十二歲高齡產婦懷孕時一度沒有工作

到BB出生後六個月復工

不過身體甚弱，一星期工作一星期病假

早產的BB身體都不好

這又令女方爸媽又極度埋怨阿男朋友

直至兩個月前，阿女染上肺病

阿爸媽去幫忙照顧

一星期後，兩老打道回家

阿女發誓以後不想再見這兩老

不會再踏入這家門口

＊＊＊＊＊

作為弟婦，新抱，我是十萬個明白姑仔的決定

我們回來只是一星期

發現我家奶奶大人一年比一年惡頂

一年比一年主觀自我唔尊重人

（連自己個女都唔尊重，點會尊重其他人）

我這個新抱一年見兩次，寄她籬下不會出聲

她要把我的行李翻來復去我不會出聲

我沒有什麼秘密

永遠不敲門就開門衝入嚟

唯有自己換衫換快啲

講野有骨唯有盡快洗腦

佢想點就點

Luca老豆，做仔，做細佬的他都十分明白家姐的苦和決定

他都知道自己阿媽十萬個惡頂

他都明白一個四十三歲女人

連自己揀個男朋友都沒有自由

連自己買賣物業都沒有自由

連自己轉工都沒有自由

連自己食咩買咩都受阿媽的言語

冇野好講

真係夠！

我覺得返嚟對住佢一星期都好夠