My LUCA

忽然之間，發現Luca長大了

他實在長大得太快

他不還是一個ＢＢ嗎？
很難想像
現在會行會走會say no會扭計有主意的兩歲半細路
曾經是一個幾磅重的ＢＢ
翻開相薄
覺得不可思議......

原來Luca曾經咁細個

兩年半來，我們經歷了很多
三個月大那個時候
對Luca媽來說，是最辛苦的時間

六個月，這個樣很老積啊！

到會行會走會駁咀....

兩年半來，感覺上經歷了許多
生活環境不斷轉變
令心境成熟了，老了.....
有時，很懷念廿多歲時那種情懷
那時候，享受生活，充滿活力
現在，
字典裏再找不到享受和活力
可能，這就是做媽媽的犧牲吧？！
不過，我相信，這只是暫時性
而且，看着Luca成長
這犧牲換來了不能言喻的滿足感和快樂
Luca媽會繼續加油呢！

後記......
假期完了，回來薩哈林四日了
除了jet-lag，還有一份莫名的失落感
可能是島上的生活太靜吧.....

奶奶大人與我

離開了屋企

才會覺得屋企的溫暖，屋企人的重要

結了婚，生左仔後

更會覺得自己媽媽的辛苦，媽媽的偉大

自己媽媽的好！

這是Luca媽的親身感受

當然，這不是發生在每個人身上

例如，這對於Luca姑媽是剛好相反

她是一名四十三歲女子

從小，是家中的碧玉

爸媽對她寄予厚望

進有名的商科學校，去美國讀英文

出來就擔任大企業管理層工作，很快有自己物業

一直令她爸媽十分自豪

幾年前認識了跟自己弟弟同齡的男子

這男子未婚，不過跟其前女友育有一女

在油漆廠工作，工餘時間喜愛運動

這段關系，一直受女方家人極力反對

每日通電話，內容離不開叫阿女離開這男人

可是，這女子不但沒有離開這男人

去年，還跟這男人生左個女

女方家人極度困撓，阿爸要生要死，阿媽日日埋怨

四十二歲高齡產婦懷孕時一度沒有工作

到BB出生後六個月復工

不過身體甚弱，一星期工作一星期病假

早產的BB身體都不好

這又令女方爸媽又極度埋怨阿男朋友

直至兩個月前，阿女染上肺病

阿爸媽去幫忙照顧

一星期後，兩老打道回家

阿女發誓以後不想再見這兩老

不會再踏入這家門口

＊＊＊＊＊

作為弟婦，新抱，我是十萬個明白姑仔的決定

我們回來只是一星期

發現我家奶奶大人一年比一年惡頂

一年比一年主觀自我唔尊重人

（連自己個女都唔尊重，點會尊重其他人）

我這個新抱一年見兩次，寄她籬下不會出聲

她要把我的行李翻來復去我不會出聲

我沒有什麼秘密

永遠不敲門就開門衝入嚟

唯有自己換衫換快啲

講野有骨唯有盡快洗腦

佢想點就點

Luca老豆，做仔，做細佬的他都十分明白家姐的苦和決定

他都知道自己阿媽十萬個惡頂

他都明白一個四十三歲女人

連自己揀個男朋友都沒有自由

連自己買賣物業都沒有自由

連自己轉工都沒有自由

連自己食咩買咩都受阿媽的言語

冇野好講

真係夠！

我覺得返嚟對住佢一星期都好夠

行超市

昨晚行超市找到呢個
想起博友熊貓小姐

自從搬到薩哈林後
每次回港都異常享受行超市
好多野都好想買.....

香港遊怪遇＋Luca新車落地

回來第五日
見了幾位沒有預計會見面，而且很多年沒有見的朋友
很開心！
昨日早上懷着沉重的心情去俄國領事館
沒有期望能拿到簽證
只本着去問問資料的心
怎料，可以簽快證
（兩個單次入境簽證多謝一千七百大元！）
今早再出灣仔取回護照
十萬個意料之外！
只希望簽證沒有問題呢！

昨日在灣仔發生這樣一件事
事發地點鷹Ｘ大廈平台書店對出
我在講電話，一個包住頭大畢鬍子印巴男士在逗Luca玩
當時我以為他是重慶大廈門外叫人造西裝或買錶那些人
沒有為意
收線後他跟我搭訕
我仍以為佢係賣西裝無野做跟我呢個路人Ａ吹下水
佢問我係邊度嚟
然後就話我多野諗，成日臨瞓時諗好多野
太多心
我都以為佢沒有機心（唉.....Luca媽實在真係out左）
跟住佢寫左一張紙仔，揸埋一粒，叫我拎住
之後佢就話我七月會行好運
０８，０９年運氣不好，１０年七月會有ＳＭＢ
即係sucess, money同唔知咩（佢Ｄ印度英文好惡聽）
跟住，佢問我鍾意咩色
我第一時間話紅色
然後佢話除了紅白之外鍾意咩色
我話黃
跟住，佢問我鍾意咩數字
我話６
佢叫我打開佢之前揸埋那一粒紙仔
打開
真係寫住yellow和６
佢又叫我星期六唔好剪手甲和頭髮
又話有人好jealous我
最後
佢打開個荷包俾我睇張相，話佢係holy man
然後叫我放錢入去
佢講左咁多野，我又驚佢會落我降頭
硬着搵廿蚊俾佢
點知佢知我銀包有幾多錢
（佢係冇可能估到，都沒有可能睇到）
開口要的俾一百美金佢
我話no way，佢話我有五百蚊港紙
我話no way,　佢話我有五十美金
我話you are too agree, it is enough for now
就走

今日，又見到佢，又開口問我攞錢
我話no way,　佢都唔放過指住pacific coffee
我話趕時間就走左
唉
Luca媽唔會再跟陌生人講野架啦！
＊＊＊＊＊
今次返嚟，Luca小朋友榮升車主
上星期仲去左西九遊車河

幕後主腦，就梗係錫到Luca燶的公公婆婆啦！

Luca真係好開心呢！

又起行

這兩個星期

Luca成日口嗡嗡

"買左機票，探公公，探舅父，探婆婆，探Papi，探Mamie，探......."

因為後日

Luca又會跟我返香港呢！

今次只會在香港兩星期

拿新的俄國簽證

（希望拿簽證的過程順利

因為很多太太回來投訴拿簽證不順利呢）

搞好簽證

起行去探爺爺嫲嫲

不夠兩星期

Luca爸要趕回來開工

七月二日又要返嚟

今次辛苦的係

從法國小鎮去巴黎轉機

第二日下午到香港食個晚飯

同一晚又上機取道首爾去薩哈林

一共三日機程

現在想起已經怕

星期日的活動

天陰陰，今日氣溫只有五度

感覺依然在冬天中，只是雪溶了

外出都是快速趕去買菜

小朋友跟本不能在外面太長時間

Luca的衣着依然是羽絨手套冷帽

上周日趁下午有短暫陽光

快速地趕去抖抖氣，鬆鬆腳

目的地依舊是離家不遠的薩哈林博物館公園

還期待可賞櫻

可是，四周的樹木還是光禿禿

走了一圈，沒有想坐一坐的興致

望了旁邊的政府大樓有小朋友走來走去

我們都走去睇睇

軍事政府大樓，外表十分十分殘舊

旁邊有幾輛坦克

小孩爬上爬落

Luca最感興趣的，還是這輛戰機

因為大風，我們都怕戰機有倒塌的危機

你們看到的石柱都破爛不堪

而且任由人爬上爬落

大風吹，機翼發出十分嘈吵的聲音

要倒塌，要遲早的事

最後還是強拉Luca離開

一家人，星期日，可以有什麼活動？

五月尾

踏入五月尾，
還是過着香港冬天的生活
氣溫保持於攝氏十度以下
我們還是穿着大衣和長靴
生活還是依舊
依舊為生活基本必需品周圍撲
這星期又四圍撲米
原來一直食用的韓國米只有十公斤裝
上星期找到的日本米，再去買又沒有了
豬Ribs沒有貨
新薯沒有貨
柔順劑沒有貨
還有Luca小朋友用的加加大碼Pampers都沒有
走過好幾個超市
最後唯有穿細一個碼和加緊potty train
幸好飲開的奶粉還有貨
Luca媽都不厭其煩多買一打
（原來在俄國，哈薩克，阿塞拜彊只賣細罐奶粉（４００克）
所以一打十二罐只等如香港普通（９００克）的五罐多ＤＤ）


上周去買奶粉時順便去買點手信帶回家

還有這張給Luca的小枱