周日散步之幫朋友出血

由上星期三開始，又是一年一度法國夏季大減價

星期六一早

我們便到家附近的大型商場的超市入貨

入貨清單的日用品和食品都買好

大豆新學年的書包和日記本都買好

我們可以安心放假去！

Luca媽的清單內，要找一組放玩具的膠櫃

找來這組Made in Luxembourg 還打五折

十歐就帶了回家

兩豆都好開心呢！

另外帶了回家的

是期待已久的Staub 30cm鑊

自去年十月在Le Bon Marche見到減價86歐

因為太重拎不到

終於再見到減到86歐

真係又大又重

今次在商場的廚具店找到

不同坐地鐵帶回家

太幸福了！

因為是夏季大減價的第一個星期

所以巴黎市中心的大百貨公司都額外營業

所以，星期日我們就坐火車

今次是幫朋友出血

好幾位朋友指定要買Longchamp

星期六已經買了幾個，今日再買

朋友話，法國沒有減價，68歐那一款（沒有退稅）

香港要賣到1200港幣

真誇張！

暫時買了五個

想再買的朋友快落單

我們星期日就返香港啦！

今次散步的位置是Saint Sulpice

其實就在Le Bon Marche過兩條街，巴黎6區

一出Saint Sulpice地鐵站

後面就是Eglise de Saint Sulpice

兩豆都非常喜歡行教堂

所以一定要入來轉個圈

小豆準備緊舉V字。。。。

大豆好忙周圍望

原本出來想去La Maison du Chocolat

好可惜呢間分店無開門

走返去Saint Suplice

Rue Bonapart有間Laduree, 但兩位豆爺要吃雪糕

就在呢個時候，見到間Pierre Herme

兩豆老豆話佢唔識呢間嘢

香港好似好Hit

試了他家的名物

Macaron 雪糕

要了一杯檸檬雪糕配Macaron

一杯Vanilla

真係各有特色

七個幾一杯雪糕。。。。

另外還買了一盒七粒Macaron

很可愛的盒子

失而復得。。。。

話說，呢件事發生係去年十月份。。。。。

十月尾Luca媽返香港申請簽證的時候

順便給自己寄了一箱雜物：

 一些很重又不趕住用的書和兩套床單被鋪

都有二十多公斤

香港郵局的職員話，大約兩三個月就到

。。。。

回到法國，當然慢慢等

去到今年一月初

香港的屋企人收到香港郵政的通知卡

話十月尾的包裹送了返香港

請一個月內取回，並繳交一千七百港完的打回頭郵費

否則，包裹將於一個月內銷毀

。。。。

屋企人panic，我決定放棄個包裹，銷毀就銷毀

反正exactly有咩嘢在包裹內，我已經記不起來

。。。。

心有不甘，雖然可以放下個包裹，但放不下啖氣

明明付了郵費（都付了五百大港元），我沒有得到應得的服務

最後查過網上追蹤，原來包裹在十二月已經到

但從沒有派遞？（我沒有收過任何通知）

反正最壞打算銷毀個包裹

就來個投訴吧！

給香港郵政反映了，Luca媽細個考會考時，最了得的英文投訴信

竟然，香港郵政有回覆，話會跟進調查

最後，還真是向法國郵政調查呢件事

法國郵政亦聯絡我問我有沒有收過任何關於呢個包裹的通知

。。。。

又搞了兩個月，香港郵政話法國郵政沒有派遞和打回頭

是因為"error"

為了compensate，我可以免費在香港取回個包裹

或者免費重新寄一次

就這樣。。。。在四月尾

包裹又重新上路

今次，Luca媽每隔一星期便追查進度

到上星期三，包裹終於到法國郵局

但又等了幾日無消息

今早（星期一）竟然還收到香港郵政的電郵

話包裹在法國郵局，叫我去拎？

郵局9點才開門，送完大豆返學回來再去

回家路上見到專派郵包的先生

他說會把我個包裹遲些送過來

～～～～～太好了！～～～～～

終於

紙箱都變得溶溶爛爛

兩套很重的床單被袋，其中一套已經洗乾淨tim！

還有好多新書

要銷毀它們，實在是太浪費。。。。

以後，還是寄貴價空郵，或者自己拎

（這個明顯是個別例子，但法國郵政，還是不太可信。。。。）

小豆三歲 － 24h du Mans 賽車

忙了一排，終於有時間返上嚟啦！

之前有朋自遠方來探我們

然後六月頭小豆三歲生日

上週末

爺爺嫲嫲過來慶祝

然後剛剛的週末

來個快閃去三小時車程的Le Mans探姑媽

順便睇賽車

Le Mans 24小時賽車原來已經第83屆

http://www.24h-lemans.com/live/en/ 

賽車在13號，星期六下午三點開始

賽足二十四小時

我們星期六早上十一點到

跟表妹玩完，晚飯後去了賽道的其中一段睇

原來要睇到賽車，不一定要去到場館

就算是沿途

都一定要買票

買了票，自己找張椅，想睇幾耐

想去邊到睇，都可以

當然要有好位置一定要趁早

好多人都在賽道旁露營

因為大小豆姑媽家距離賽道只有五分鐘

所以一整晚賽車聲都很吵

星期日一早起來

又出發去睇賽車

今次是賽車場館內

沿途好多靚跑車

買得七十幾萬歐羅車

當然提供埋酒店和shuttle

主入口

入到場內有很多不同攤位

似Fun Fair多啲

我們都要戴住耳塞，太吵呢

因為大小豆姑媽和男友都在Le Mans住和工作

所以每年都有機會睇到不同賽車

（有電單車賽，跑車賽，單車賽，連貨車賽都有）

有免費入場券，但上看台坐要另外收費

看台有Porsche看台，Audi看台，日產看台。。。。各有不同收費

我們很幸運，姑媽男友在Audi看台工作

所以免費睇左一陣

入維修站真係二十秒就返出嚟架！

捱不到三點賽事完畢

我們由十點睇到十二點

小朋友們都好乖

就返屋企食午飯

午飯後

趕在賽事完結鳥獸散前趕回巴黎

食完拉麵去散步－香榭麗舍

五月八日那個週末長假期

趁好天氣在星期六出巴黎食碗拉麵

地點依舊是Opera的Rue St Anne

食飽飽順便在韓超入點貨

就向香榭麗舍進發

轉兩個街口，過埋Rue Rivoli

就嚟到羅浮宮啦

難得大豆還肯俾個笑容

影相才發現他們兩個兄弟裝

Luca媽沒有刻意架

他們是自己揀衫的呢

連小豆都叫得出呢支柱係Concorde

多得大豆哥哥！

過左Concorde, 就來到香榭麗舍大道

上一次來

已經是四年前了

那時的大豆還在BB車瞓覺

正如今日的小豆。。。。。

又累又口乾，找不到星巴克

就來到HagenDaas

可能因為這日遊客太多

侍應跟我們講法文份外有禮，不用排隊好快就有位

大豆有雪糕食

小豆還在車仔午睡。。。

今日焦點

終於行到凱旋門

要叫醒小豆

兩豆都開始grumpy

就打道回府

。。。。

近期的生活。。。。

放完假

返回原來的這個星期很忙碌呢。。。。

昨日早上，終於交了香港車牌轉法國車牌的申請

其實今年頭已經開始搞

但Luca爸話要交給公司搞

所以等了咁多個月。。。。

因為公司有部門搞expat的簽證和車牌

他們會填好所有申請表，搞好所有文件翻譯

如所料，他們跟簽證和車牌的人都認識

我們不用在政府合署門口排隊

希望三個月後，我的法國車牌能順利到手。。。。

眼見門口的長龍

之前有香港朋友話要早上四點半來攞抽搞續證

學生時都試過排幾個鐘續證。。。。

多得公司，四個月後到我續證時不用四點去排隊

原本口硬不會入籍的Luca媽

為了將來唔想自己再搞所有簽證手續

留多幾年到結婚十年要考慮入籍吧。。。。

前日呢。。。。帶了小豆去幼稚園見校長

9月就返學啦小豆！！

原來幼稚園是下午四點放學

校長話剛開學時，小豆未適應可以十二點就返屋企

（其實十二點午飯後，一點到三點是午睡，所以都無所謂）

不過小豆要努力戒尿布和奶咀呢。。。。

還有呢，一個好消息

就是大豆9月可以升班，唔駛留班呢！

原本我們都很擔心，老師會要求大豆重讀一年

不過剛假期前派了成績表

有很多的進步

雖然老師的remark都係話大豆成日掛住玩

但係我地都已經好開心

連大豆自己都鬆一口氣

可以跟他的好朋友同學仔一齊升班

其中一個朋友仔還請他下星期到他家玩呢！

唯一的壞消息呢。。。就是我們要填報稅表

Luca爸頭痕了好耐，唉唉唉唉唉。。。。

四月假期在老家。。。。法國西

又好耐係浮上來啦。。。。大家好嗎？

上兩星期是大豆學校假期

Luca爸攞了一星期假

我們去了老家探爺爺嫲嫲

難得有假而且又順路

加上好幾年沒有去旅行

我們便在St Malo 和Mont St Michel停了兩日

大豆的新牛仔褲

很開心有各位博友仔支持

Luca媽又再次充滿力量啦！

今日外面又是下着毛毛雨，真討厭。。。。

自從開始在法國上學後

大豆很抗拒穿牛仔褲，只肯穿運動褲上學

他是曾經那麼喜歡穿牛仔褲呢。。。。

原因，是穿牛仔褲會令他跑得慢

還有，是牛仔褲不軟熟