二零一四暑假第二回－法國

放完香港暑假

我們又回去巴庫

今次兩班機都係卡塔爾班機

有兩隻Patrick公仔

大豆要一隻，細豆唔要

又留俾王子啦

多哈新機場，比以前好百倍呢

又大又靚

回來正值回教Ramadan

在舊機場是嚴禁在日光時飲食（無論你是回教與否）

新機場果然不同

在餐廳區可以飲食

我們一落機便跑去食早餐

換過行李，休息一天

再去法國

阿塞拜疆航空有直航巴黎

一星期有三班，機程五小時

今次還在巴庫新機場上機呢

天都未光，五點出門口坐七點半早機

機場人影都唔多個

機場是靚，但航機設備簡陋

五個多小時沒有任何娛樂節目

唯有瞓覺

到巴黎後

還要捱多五個多小時火車才到老家

精力旺盛的小豆都開始捱唔住

反而大豆還很興奮。。。因為可以坐火車

辛苦的旅程，連Luca爸都話，

返老家的旅程比返香港還要長

。。。。。你知就好

可憐的小豆去到阿爺屋企又病了

今次中耳炎

Luca媽都皮膚敏感發和日日狂咳

幸好我們兩個回來巴庫就好返啦

開心返屋企－二零一四年六月－敗家篇

之前才不認自己買埋好多無謂嘢

還要C撐無謂嘢好有用

今次十二蚊店的敗物

手工紙，砌圖

便當公仔裝飾，膠袋夾

公仔錫紙，冷麵盤，碟。。。。

十二蚊店真係敗家好去處

特別係身邊有貓貓和咖啡

跟貓貓和咖啡的聚會

永遠都很開心

有講極都講唔完的話題

妳們兩個知道

我上車後好唔捨得你地呀。。。。

多謝咖啡的禮物

大小豆都勁開心呀

餅餅兩日內纖滅了

書書我帶埋返嚟睇

除了十二蚊店之外

Luca媽必去入貨的地點係深水埗

今次布布買得少

因為一早已在淘寶淘好了

但買了很多拉鍊和其他手作小物

網購的

還有很多書

今次只帶走了部份

其他的留待下次寄去法國啦

朋友介紹台灣金石堂網購

連運費，在各OK便利店提貨

都比香港買的台灣書便宜很很多！

香港物價真係好貴呢

開心返屋企－二零一四年六月篇

其實每次返屋企都很開心的

跟屋企人可能相處的時間不多

大家反而會更加珍惜相處的時間

更加珍愛大家

。。。。

今次回港一如以往坐卡塔爾航空

第二程因為跟國泰share code

所以是國泰班機

住在香港的朋友可能沒有這種感覺

但對於在巴庫沒有機會見到香港人的我們

一踏上國泰班機就好似已經返到香港咁

見到港女空姐親切的廣東話問候

真係即時加分

國泰派的玩具包是怪獸大學

兩豆沒有興趣

空姐給兩豆小朋友專用耳筒

兩豆好乖瞓醒覺才看卡通呢

返到屋企都係飲飲食食

炎炎夏日

真係不想出街

只是大豆一星期有兩日去學游水

學得好開心

起碼不會再抗拒游水

咁熱

又點少得食雪糕呢

原來小豆係怕食凍嘢

你睇佢個樣

大個仔的大豆成杯食晒當然不是問題呢

就這樣懶洋洋地過了我們的香港暑假了

有朋友提議去睇熊貓

湊住兩豆的Luca媽當然懶出城

就在臨走前一日

在中環見到佢地。。。。。

搬去法國後

就不可以再成日返屋企了。。。。

收拾細軟。。。。。。剛起步

從法國回來巴庫已經五日

五日來不斷洗衫熨衫

不斷把沒有用的東西入箱

頭昏腦脹

還是上來巡巡blog散散心

在兩豆左右夾擊的情況下

要集中收拾真的不易

特別是收拾他們的玩具

剛入好箱又會給小豆倒出來

。。。。。

趁小豆午睡後清了縫紉部的東西，布料

一共三大箱

還未計手作書

廚房更是重災區

現在的只是冰山一角

汲取上次在薩哈林搬家的經驗

今次再早一星期開工執嘢

希望在十八號packer來之前

可以盡量把自己的東西執好

備註： 每次搬家都有搬運公司的員工來把東西打包

而我們之前的工作

就要把我們自己的東西執好，分類好

好讓他們一日內把所有東西pack好

還有一星期

要努力執執執。。。。。

下一站。。。。

大家好呀！

不只是大小豆回港放暑假玩到癲晒

連Luca媽放暑假都放到傻咗

快樂不知時日過

還有不夠兩個星期

我們又打道回府！

終於終於

在一早預期，沒有期待的情況下

收到搬屋的消息

下一站

不是期待中的星加坡，馬來西亞

亦不是大豆十分渴望的大不列顛

更不是大豆老豆想去的休斯敦

今次

我們回老家法國

我們一家人的心情都有點複雜

做了多年expat，要過home country生活

消費模式，公司對我們生活上的支持和幫助

都會是360度大改變

我們要自己找地方住，找學校，買車

從今自付所有的開支。。。。。。

當然

這是每個家庭，包括我家爸媽一直以來的生活模式

只是大小豆一家人流浪在外

生活一直有公司照顧

好似大猩猩要離開動物園，重返大自然生活咁。。。。哈哈哈。。。。

好啦，下一站巴黎

希望各方朋友們來巴黎時

順道來探探我們這家返回大自然居住的大猩猩啦！

我們會留定張床等大家

（不要嫌棄，那張床一定不夠阿塞拜疆那張大！！！）

最後衝刺

還有兩日

Luca媽又一拖二回家去

可以返屋企當然開心

但又要留下Luca爸一個人孤軍作戰

心情總有點複雜

後來知道

我們走了他還是要出差

Luca媽都安慰啲

起碼有人阿媽唔可以話我掉低佢個仔唔理

事實係有人掉低老婆同兩粒豆成日出差

。。。。。

最後衝刺

做了點手作仔帶給朋友

突然心血來潮想要個新護照包

車車車車車

有人兩歲

上星期四，有人兩歲生日

六月真是非常特別的月份

除了小豆生日，還有奶奶大人七號生日

還有好多朋友的生日

還有Luca爸媽的結婚周年

小時候最不喜歡六月

因為是學期終考試。。。。

現在呢，一年三百六十五日，十二個月

Luca媽都已經好像沒有大感覺

只覺得時間過得很快

趕頭趕命

小豆的蛋糕很有內在美

但外表很醜（滴汗！）

感謝好姊姊借出場地跟小豆慶祝

出外靠朋友

Luca媽很幸運這幾年結識了很多非常要好的朋友

小豆兩歲了！

係囉，小朋友真係大得很快

要好好珍惜每一天

因為每一天都不同，每一天都在成長