北海道之旅﹣４

在札幌捱過大雪的兩天
趁雪量減了，我們趕快去小樽一趟
在札幌站Twinkle Plaza，遊客持有外國護照
可以以一千五百日圓買一套Otaru-Sapporo Welcome Pass
內有來回小樽札幌火車票，及一張札幌一日通地鐵票，確實抵！
去小樽的火車坐滿，沿途景色不錯！
到達後，有時大雪，有時放晴

沿路遊客不多.....人影都不多....

幸好這檔燒帶子店有開，連Luca都食隻帶子，飲啖熱啡，取暖
（ＰＳ日本此行有人成日去汽水機買珈琲，唔知頭唔知路，成日買左無糖黑啡，
飲一啖放埋一二角）

來到小樽，當然不少得帶些玻璃手信回家
帶走了一袋二袋六花亭和北果樓
還有LeTAO的下午茶（趁公公婆婆去海鮮店拆蟹，我們就去tea!)
Luca爸要了牛奶布丁和黑啡

我的黑森林和今日特選茶

服務好，環境好，食物好，真係十個讚呢！
Luca媽仲帶走了一罐茶葉回家慢慢回味！

Luca成為了細路

天氣凍加上天色沉沉

Luca跟我三日沒有外出

整日在家，突然發現

Luca會講很多東西

情境一：

Luca小朋友拿着杯果汁

一邊行一邊飲

一邊講，

汁汁，汁汁，好味，c'est bon!

然後，倒了一點落地下

就講，c'est pas grave！唔好意思

Kleenex, 紙巾

然後去拿紙巾抺乾淨

情境二：

話說上星期二出去買機票

臨出去前Luca媽告訴Luca一齊去買機票

要乖，要聽話，唔好扭計

然後在手推車上，Luca自言自語

"買機票，坐機機，去探婆婆，探公公，探舅父"

情境三:

太太們一起三點三coffee break

Luca拿來砌圖一盒要Luca媽開

"開，開！"

Luca媽不開，Luca走去搵法國太太開

"ouvre, ouvre!"

法國太太不開，Luca走去搵英國太太開

"op-en, op-en！"

情境四：

Luca媽在食餅，Luca走來要

Luca媽要Luca先講唔該才俾

"你講左唔該或者Merci媽媽先俾！"

Luca答 

"好！"

Luca媽話："咁你講唔該啦！"

Luca又答，"好！"

Luca媽開始上火："咁你仲唔講？！"

Luca只係答，"好，好，好！"

激Ｃ我.........

突然發現，Luca大得太快

突然成為有問有答的細路，不再ＢＢ了

（除了堅持要着Pampers外）

討厭

激Ｃ人，又病了！

這兩星期都是落雨濕濕，氣溫平均兩三度

天灰灰令心情都麻麻

總括每次感冒

都是給Luca老豆傳染

雖然他都是十分不幸在公司被傳染

但可是每次他作病都不肯食藥

或到他肯食藥時，卻只食指定份量的一半

天啊！

他自己沒有快速地好轉之餘

我們已跟他分享那些菌菌

還要飲汽水食零食

今次的菌令我整日頭暈暈

真討厭！

北海道之旅﹣３

正如一位好友所講

在日本買到的，其實在香港都會買到

所以，我沒有期望在日本大購物（加上日yen紙水高）

去過幾躺東京，人多車多，沒有很濃的假期感

反而北海道會比較靜，浸完溫泉返去札幌行下又得

（加上Luca媽我已經跟什麼港系日系潮流脫了節，

咩咩labels我全部都唔識，沒有什麼限定東西要買

反而此行最想食，係蜜瓜！）

登別玩完，回札幌這天下雪

廻轉sushi餐廳，很熱鬧呢！

這位哥哥很照顧我們，不過上鏡怕醜

湊住小朋友推住車仔，不敢去拉面橫丁

一來不想去排隊，二來估計那邊地方窄

還是來這個拉面共和國不用迫，又方便

大部份拉面店都有ＢＢ餐椅，餐具，真的很周到！

成日行街行左三日，都好似不特別睇左好多野

百貨公司太多，商場太多，步行街太多

真係有多多錢都唔夠洗

奇怪是，這幾日都不是什麼假期

但日間shopping的人多的是啊！

Premium Economy Class

Luca爸早在去年已把今年的大假大概編好了

四月回港和去日本

六月回法國探爺爺嫲嫲

原來可以從薩哈林取道莫斯科去巴黎

不過，坐過Aeroflot，真的可免則免

可是今次因為要回港更新俄國簽證

所以Luca媽又可偷鷄早些回港

這兒天氣回暖，雪溶了

可以步行去韓亞的票務部買機票

回港的機票都買好了

如果我們要從這兒去巴黎不經過莫斯科

另一方法是坐韓亞取道首爾

可是，機票是Aeroflot的三倍

那倒不如買Aeroflot的Premium Eco 或商務

另一頭痛事，因為從這兒回港的客機都很滿

我們買不到想要的日期

同時不能預算要用多少天去辦新簽證

還要回法國探兩老

現在在找機票

我們要在巴黎轉內陸機所以無奈要坐法航

其實坐慣了都沒有什麼

而且過去兩年我們都有足夠allowance坐商務倉

今次頭痛是travel allowance減了大半

而六月份商務位要起碼三皮一位

法航今年新出了Premium ECO class

我們六月出法的話，很多日子跟經濟位只差兩千

當然不敢期望有如商務位可以瞓低......不過位大Ｄ，

十三個小時會易過Ｄ

北海道之旅﹣２

睇完地獄谷，原來打算去睇熊熊

好彩八卦走入去地獄谷旅遊中心走個圈

才知道熊牧場休息幾日，我們跟熊熊無緣

唯有把明天才去的海洋公園改為下午的節目

ＮＩＸＥ海洋公園位於登別火車站旁

由登別溫泉區坐１５分鐘巴士就到

公園面積不大，我們玩了兩個小時，看畢所有表演

（我估同時只有不多過五十名入場人士）

相信夏天會更熱鬧好玩

旁邊的遊樂場都會開門

不過我們都十分享受不用迫

安安靜靜地睇魚

最欣賞這三層樓高大魚缸

沿旁邊扶手電梯上，在魚缸上面向下望

有點怕會跌落去俾鯊魚食

另一欣賞這有趣的小魚缸

是兩條海豹的魚池

令人想起倉鼠

還有海洋公園必有的海獅表演，海豚表演

最後，還有企鵝巡遊

可能因為遊客不多，出巡的企鵝都不多

不過只有三幾十人睇，人人都有觀賞空間

企鵝們一路行一路大解，真係好搞笑

然後後面有一位大叔一路沿途清潔消毒

真係十萬個周到！

十二點入場，玩到三點，真係十分盡興

不太盡興的可能是公公，睇親表演都釣魚

餘下的時間，我們又打道返溫泉街

Luca和爸爸搵周公

婆婆，公公和媽媽去浸溫泉......

諗起都覺得正！

北海道之旅﹣１

不經不覺回來薩哈林已一星期

時間上沒有jetlag，不過生活又要返回平淡

加上一大堆衣服要洗熨，每日三餐做飯

幸好天氣回暖了，出街不用再踏雪踩冰

悶了想落街走走不再成問題

加上連日來跟各太太們"聚舊"

分享假期經歷

一個星期就這樣過去了

這次北海道之行，我們沒有遊覽很多地方

只是周圍行行飲飲食食，就是此行目的

跟過兩次香港旅行團的Luca爸發誓不會再跟團

（哈哈.....不過他從來不為旅行做準備呢）

所以今次有驚無險，交通上十分之順利

（那都有賴Luca媽做足功課吧....）

落機後在新千歲機場坐道南巴士直衝登別（中途要轉車）

這一程是十萬個好彩和順利呢！

（五分鐘由機場衝去找巴士站上巴士）

到達登別溫泉酒店

一萬yen包自助早餐晚餐連溫泉

真係十分抵！

這是酒店內的商店街（mini）

Luca穿和服很開心呢！

第二日早上出發去地獄谷

淡季旅行的好，是不用跟旅行團迫

這日，在地獄谷的遊客很少很少

我們走上走落，原來想走一條遠足徑去睇湖

但遠足徑給雪埋了

可能夏天才可遠足吧

山頭白色的，都是雪

地獄谷只是在酒店後面，走五分鐘就到

原來打算去睇熊熊

不過熊場休息了

那我們便坐車去海洋公園，消磨下午的時間